SALM 83:18 - Lai (Hakha) Common Language Bible 2006

¹⁸ Nangmah lawnglawng hi Bawipa na si le vawlei dihlak uktu, Cungnung Bik na si kha hngal hna seh!

Laibaibal Thiang (BSI)

¹⁸ Cuticun nangmah lawnglawng hi BAWIPA min a pumi, leicung vialte ah cungnung bik na si hi an hngalh khawh nâkhnga.

SALM 83:18 ပူးပေါင်းရင်းမြစ်များ

GENESIS 22:14

Abraham nih cu hmun cu, “Bawipa nih a khaan ko,” tiah min a sak i atu chan tiang zongin mi nih, “Bawipa tlang cungah cun Bawipa nih a khaan ko,” an ti tawn.

1 SIANGPAHRANG 18:37

Maw Bawipa, nangmah cu Pathian na si i nangmah nih annih cu an lung na kirter ṭhan hna ti kha mi hna nih hin an hngalh nakhnga, ka let tuah, maw Bawipa, ka let tuah,” tiah a ti.

2 SIANGPAHRANG 19:19

Cucaah maw Bawipa, kan Pathian, vawlei cung pennak vialte nih, maw Bawipa, nangmah lawnglawng hi Pathian na si ti kha an hngalh naklai, amah kut chung hin kan khamh ko, tiah kan nawl,” tiah a ti.

SALM 18:13

Cun Bawipa cu vancung in khuari bantukin a rung ri i Cung Nung Bik aw cu a rung thang.

SALM 35:4

Thah a ka zalmi kha sung hna seh law ningzahnak phan hna seh. Keimah thah awkah khua a khangmi hna kha an khuakhanmi cu pakpalawng ah cang seh law

SALM 59:13

na thinhun in hrawk dih hna, hrawk dih cikcek hna. Cu tikah Israel uktu cu Pathian a si i vawleicung vialte zong a uk chih dih ti kha an hngalh lai.

SALM 9:16

Ding tein bia a ceihnak ah khan Bawipa cu amah le amah aa phuang i miṭhalo hna cu anmah tuahnak lila ah khan an i foih. Higgaion. Selah

SALM 9:2

Nangmah thawngin lunglawm in hla ka sa lai, maw Cung Nung Bik, nangmah cu kan thangṭhat lai.

SALM 92:8

zeicahtiah Bawipa, nangmah cu uktu ngan bik kha zungzal in na si.

SALM 97:9

Lianngan Bik Bawipa, nangmah cu vawleicung dihlak a uktu na si; pathian vialte hna nakin a let tam piin na ngan deuh.

EXODUS 6:3

Abraham le Isak le Jakob sinah Lianngan Bik Pathian in ka rak lang. Annih sinah khan ka min in ka rak i langh lo, ka min cu Bawipa a si.

ISAIAH 42:8

“Keimah lawnglawng hi Bawipa na Pathian cu ka si. Ka sunparnak hi pathian dang ahohmanh hrawm ka duh hna lo i ka thangṭhatnak hi siasal zeihmanh hrawm ka duh hna lo.

ISAIAH 5:16

Sihmanhsehlaw Ralkapbu Bawipa nih a lianhngannak cu ahmaanmi thil a tuahmi ah khan a langhter i a thiannak cu a mi hna an bia a ceihpiak hnanak ah khan a langhter.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

JEREMIAH 16:21

Cucaah annih cu ka cawnpiak hna lai, Voi khat ah za lak in ka ṭhawnnak le ka thazang cu ka hngalhter hna lai, Cun annih nih ka min cu Bawipa a si kha an hngalh lai,” tiah Bawipa nih a ti.

EZEKIEL 30:19

Cuticun Izipt ram cungah khan biaceihnak ka tuah lai i Annih nih Bawipa ka si kha an hngalh lai.

EZEKIEL 38:23

Cuticun ka lianhngannak le ka thiannak kha ka langhter lai i miphun tampi nih keimah Bawipa ka si kha an ka hngalh lai.

DANIEL 4:25

Minung bu sinin nang cu ṭhawl na si lai i ram sa sinah na um lai; cawtum bantukin ram kha na ei lai i vandap nih cin cikcek in kum sarih chung an tlak lai. Khi tikah nangmah nih Cung Nung Bik cu minung pennak cungah khan bawi a si i cu pennak cu pek a duhmi hna sinah khan a pek ko, ti na vun hngalh ruangmang te lai.

DANIEL 4:32

Minung bu sinin ṭhawl na si cang i ram sa sinah na um cang lai; cawtum bantukin ram kha kum sarih chung na ei lai. Cu tikah Cung Nung Bik nih hin minung hna pennak chungah hin uktu bawi a si i pek a duhmi hna sinah a pek ko dah ee, ti kha na hngalh lai,” tiah a ti.

MIKAH 4:13

Na facang cil cu thawk cang tuah, Maw Zion fanu, Zeicahtiah na ki cu thir in ka ser lai i na tin cu dar in ka ser hna lai i Miphun tampi kha na naan hna lai. A ding loin an rak lakmi thil kha Bawipa sinah na pek ṭhan hna lai i, An chawva hna cu vawlei cung dihlak uktu Bawipa sinah na chanh hna lai.

ZEKHARIAH 4:14

Cun a ka thawh i, “Vawlei dihlak Bawipa a simi Pathian nih a thimmi hna pahnih an si,” tiah a ti.