SALM 82:5 - Lai (Hakha) Common Language Bible 2006

⁵ “Nan va hrut thiam dah, nan va fim lo thiam dah! Khuamui chungah nan um i vawlei cungah hin dinnak zeihmanh a um ti lo.

Laibaibal Thiang (BSI)

⁵ An hngal lo i theihthiamnâk an ngei lo; muih lakah an vâk i vulei hrambunhnâk vialte hi a fek lomi an si.

SALM 82:5 ပူးပေါင်းရင်းမြစ်များ

JOB 8:9

Kannih cu nizan mi ceote kan si ko i zeihmanh kan hngal lo, Zeicahtiah vawleicung kan ni hna cu thladem men an si ko.

SALM 11:3

Thil aa nincan lo tikah hin miṭha nih an tuah khawhmi zeihmanh a um lo,” tiah na ka ti tikah hin zeitluk in dah na hruh.

SALM 14:4

Bawipa nih, “An hngal hnga lo maw? Ṭhat lonak a tuahmi vialte hi mihrut maw an si dih hnga? ka mi kha an ramh hna i cucu an i cawmnak, ka sinah thla an cam bal lo,” a ti.

SALM 53:4

Pathian nih, “An hngal hnga lo maw? Ṭhat lonak a tuahmi hi mihrut maw an si dih ko hnga? Ka mi kha an ramh hna i cucu an i cawmnak ah an hman, ka sinah thla an cam lo,” a ti.

SALM 75:3

Vawlei le a cung i a ummi minung vialte hi lo dih hna hmanh seh law vawlei hram cu fek tein ka umter lai.

SALM 99:1

Bawipa cu siangpahrang a si, mi vialte cu an ther dih; cherubim cung i a bawiṭhutdan cungah khan a ṭhu, vawlei cu aa hnin dih.

PHUNGTHLÛKBIA 1:29

Annih nih hngalhnak kha an huat i Bawipa ṭihnak kha an i thim lo caah

PHUNGTHLÛKBIA 2:13

Annih cu muihnak lam zulh awkah dinnak lam a hlawt i

PHUNGTHLÛKBIA 4:19

Miṭhalo hna lam cu zan muihnak bantuk a si, Zei cungah dah kan tluk i kan rilh ti kha an hngal lo.

PHUNGCHIMTU 2:14

Mifim nih cun khuazei ah dah kan kal ti kha an hmuh khawh, mihrut nih cun an hmu kho lo. Sihmanhsehlaw kan donghnak cu aa khat ṭhiamṭhiam ko lai ti kha ka hngalh ṭhan.

PHUNGCHIMTU 3:16

Cuhleiah vanrang tangah hin ṭhat lonak nih dinnak le a hmaanmi thil kha an hmun a rolh lengmang hna ti kha ka hmuh.

ISAIAH 5:7

Israel cu Lianngan Bik Bawipa dum cu a si; Judah ram mi hna cu mitsur ruang a cinmi cu an si. Thil ṭha kha nan tuah lai tiah a ti hna, sihmanhsehlaw lai nawnnak lehlam kha an tuah. A dingmi thil kha nan tuah lai tiah a ti hna, Sihmanhsehlaw an hremmi hna ṭah thawng tu kha a theihmi cu a si.

ISAIAH 59:9

Mi nih khan an i thawh i, “Mi nih kan cungah ṭhat lonak an tuah tikah, zeicahdah Bawipa nih a kan khamh lo, ti kha atu cu kan hngalh cang. Kan kalnak lam ah ceunak kan hmu lai tiah kan rak i ruah, sihmanhsehlaw muihnak lawnglawng a um i.

MIKAH 3:1

Cun kaa thawh i, “Nannih Jakob hruaitu hna, Israel uktu hna, ngai tuah u, A dingmi thil a duhtu kha nan si awk a si,

JOHAN 12:35

Jesuh nih cun, “Nan sinah hin ceunak cu tlawmpal chung cu a um ko rih lai. Ceunak nan sin i a um chung cu, muihnak nih an phanh hna nakhnga lo, hmailei ah kal lengmang ko u; zeicahtiah mui lak i khual a tlawngmi cu khuazei i an kal kha an i hngal tawn lo.

JOHAN 3:19

Biaceihning cu hitihin a si: ceunak cu vawlei cung hi a rung phan ko cang, sihmanhsehlaw mi nih thil ṭhalo kha an tuah caah ceunak nakcun muihnak tu kha an duh deuh.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

2TIMOTE 2:19

Sihmanhsehlaw Pathian nih a bunhmi hram fek cu hninh khawh a si lo, cu hram cungah cun “Bawipa nih amah ta a simi cu a hngalh ko hna,” ti le, “Bawipa ta ka si a timi paoh nih cun palhnak a tuahmi kha a ngol awk a si,” ti kha an i ṭial.

1JOHAN 2:11

Sihmanhsehlaw a unau a huami cu muihnak chungah a um i muihnak nih cun a mit a cawtter caah cuka chung i aa chawh ah khuazei ah ka kal ti awk hmanh a hngal lo.