SALM 81:3 - Lai (Hakha) Common Language Bible 2006

³ Thla thar caan le thla lai caan ah, kan puai ah tuu ki cu tum hna u.

Laibaibal Thiang (BSI)

³ Thla thar ah muko tum u law, biapi bik kan thô thlapa lai tiangin tum u.

SALM 81:3 ပူးပေါင်းရင်းမြစ်များ

2 SIANGPAHRANG 4:23

Cun anih nih, “Zeicahdah amah sinah cun nihin ah na kal lai? Thla thar zong a si lo i sabbath zong a si ṭung lo,” tiah a ti. Anih nih, “A ṭha ko lai,” tiah a ti.

1 CHANRELNAK 15:16

David nih Levi mi haotu bik hna kha, nannih nan unaule hna cu hlasatu lunglawmhnak thawng thanter awkah, aw dawh thilri fak piin a tum ding le tingtang le thonglawi le sumsel a tum dingah nan thiah hna lai, tiah a ti hna.

1 CHANRELNAK 15:19

Hlasatu Herman le Asaf le Ethan cu dar sumsel tumtu ding an si;

1 CHANRELNAK 15:24

Shebaniah, Joshafat, Nethanel, Amasai, Zekhariah, Benaiah le Eliezer, tlangbawi hna nih Pathian kuang hmaiah muko kha an tum hna lai. Obededom le Jehiah zong kuang ca i kutka cawngtu an si ve lai.

1 CHANRELNAK 16:42

Heman le Jeduthun nih hlasaknak caah khan muko le sumsel an ngeih hna i hla thiang caah khan hlasaknak thilri an ngeih hna. Jeduthun fapa hna cu kutka cawngh kha an thiah hna.

1 CHANRELNAK 16:6

cun tlangbawi Benaiah le Jahaziel cu Bawipa biakamnak kuang hmaiah muko a tum lengmang tu ding an si.

1 CHANRELNAK 25:1

David le rianṭuannak i upa bikbik hna nih cun rianṭuannak ca dingah khan Asaf fapa hna le Heman fapa hna le Jeduthun fapa hna lak khan tingtang le thonglawi le sumsel hna he bia a chimtu dingah mi kha an thleidan hna. Cu rian a ṭuantu hna le an rian cazin cu mah hihi a si:

2 CHANRELNAK 13:12

Zohhmanh u, kan hmaisuang ah Pathian cu a um i nannih doh awk i thawng thanhtu ah tlangbawi hna cu an raldohnak muko he an um. Maw Israel fale hna, Bawipa nan pupa hna Pathian cu doh hlah u, zeitintiah nan hlawhtling lai lo,” tiah a ti.

2 CHANRELNAK 13:14

Cun Judah mi nih khua an zoh tikah, zohhmanh, ral cu an hmailei he an hnulei he an um; cun Bawipa kha an auh i tlangbawi nih khan muko an tum.

2 CHANRELNAK 2:4

Bawipa ka Pathian upatnak caah biakinn sak kaa tim. Cu inn cu ka mi hna le keimah nih rimthaw zihmui khanghnak in Pathian kan biaknak hmunthiang a si lai. Cun Israel mi cu nan tuah zungzal lai tiah nawlpek a simi: hun camcinmi changreu kan pekchanh zungzalnak hmun le Bawipa kan Pathian upatnak caah zingfa zanfa, sabbath hna le thla thar puai hna le nizarh hna ah khangh thawinak kan pekchanhnak hmun a si lai.

2 CHANRELNAK 5:12

cun Levi mi hlasa pawl vialte, Asaf, Heman le Jeduthun, an fapa hna le an rualchan hna kha puan hmang ṭhia in an i thuam i sumsel le tingtang le thonglawi he biakṭheng in nichuahlei ah khan muko tumtu tlangbawi za khat le pakul hna he khan an dir;)

2 CHANRELNAK 8:13

mah cucu Moses nih sabbath hna ca le thla thar hna ca le kum khat voi khat tuahmi puai — thilnu telh lo changreu puai, zarh hna puai le deu puai hna ca i nawl a chiah bangkhan, a ni cio rian nih a hlamning khan an pekchanh hna.

SALM 149:3

Nan lamnak ah khan a min cu thangṭhat u, amah cu khuang le tingtang in thangṭhat u.

SALM 33:2

Tingtang in Bawipa cu thangṭhat tuah u, hri hra ngeimi tingtang in thangṭhat u.

SALM 98:6

Muko le tuukawng ki tum hna u law Bawipa, siangpahrang hmaiah cun lunglawm in au u.

ṬAHNAK HLA 2:6

Mitsur ruang kha a thei lawh a si bangin a puan biakinn kha a ramh i Pumhnak hmun kha a rawkmi hmun ah a ser. Bawipa nih Zion ah cun puai pumhnak le sabbath hngalhnak vialte kha a hloh dih; A thinhunnak a fah caah, Siangpahrang he tlangbawi he zei ah rel loin a um hna.

NAHUM 1:15

Zohhmanh u! Thawngṭha a rak phortu ke khi tlang cungin a ra lio! Teinak thawng kha amah nih cun a thanh lai. Judah mi hna, nan puai cu tuah hna u law Pathian sinah nan i kammi kha pe u, Miṭhalo nih nan ram kha an luhhnawh ti lai lo. Annih cu hrawh dih cikcek an si cang,

NAMBAR 15:3

Bawipa sinah tuurun in siseh, cawrun in siseh, mei in pekchanhnak maw, khangh pekchanhnak maw, raithawinak maw, biakamnak tlinternak maw, mah lungtho tein pekchanhnak caah maw, a caan khiahmi nan puai hna ah maw, Bawipa sinah rimthaw nan ser tikah,

NAMBAR 28:11

“Cun nan thla a det tik paoh ah Bawipa sinah khangh thawinak nan pekchanh lai: cawtum no pahnih, tuukawng pakhat, kum khat a timi tuufa dotla a pa pasarih:

DEUTERONOMI 16:15

Nan dihlak in nan i lawmh nakhnga, Bawipa nan Pathian nih nan chuahpimi thil vialte le nan kut rian vialte ah thluachuahnak an pek hna lai, Bawipa nih a thim laimi hmun ah Bawipa nan Pathian caah ni sarih chung puai nan ngei lai.

KOLOSE 2:16

Cucaah cun ahohmanh nih nan ei nan dinmi thil kong ah siseh, ni thiang le Thla Thar Puai le Sabbath kong ah siseh, phung in serpiak hna hlah seh.