SALM 80:9 - Lai (Hakha) Common Language Bible 2006

⁹ A ṭhan khawh nakhnga hmun kha na thianhpiak i cucaah a hram cu thukpi an pil kho i a ruang cu an zam i ram vialte kha an huh dih.

Laibaibal Thiang (BSI)

⁹ An caah hmun na timhlamh i thûk ngaiin hram a thla, ram pumpuluk a khat dih.

SALM 80:9 ပူးပေါင်းရင်းမြစ်များ

2 SAMUEL 7:10

Cun ka mi Israel mi hna caah hmun pakhat ka tuah lai i anmah hmunte ah cun an um nakhnga le hnahnawh an si ti nakhnga lo, ka phun hna lai;

1 SIANGPAHRANG 4:20

Judah le Israel mi hna cu rilikam i thetse zat khin an tam; an ei an ding i an i lawm.

1 SIANGPAHRANG 4:25

Cun Solomon a nun chung vialte cu Judah mi hna le Israel mi hna kha Dan in Beersheba tiang, anmah le an mitsur ruang tang le an theipi kung tang cio ah him tein khua an sa.

1 CHANRELNAK 21:5

Cun Joab nih David kha minung a relmi hna a zat cu a pek. Israel ram chung dihlak ah vainam a tlai khomi nuai khat le sing khat an um, cun Judah ram chungah vainam tlai khomi sing li le sang sarih an um.

SALM 105:44

Ramdangmi an rak umnak ram kha a pek hna i an lo kha a coter hna,

SALM 44:3

Hi ram cu na mi nih an nam in an teimi a si lo, anmah ṭhawnnak in an teimi zong a si lo; nangmah lianhngannak le ṭhawnnak in a si i nangmah nih na dawt hna langhternak caah an sin i na umhnawh hnanak tu nih khan hi ram cu a tei.

ISAIAH 27:2

Cu ni ah cun a nuammi a mitsur dum kong ah Bawipa nih hitihin bia a chim lai,

ISAIAH 27:6

Cu ni ah cun, Israel mi, Jakob tefa hna cu thingkung bangin hram an thla lai i an kuhkulul lai i an par lai. Vawlei cu an tlai kha a khat dih lai.

ISAIAH 37:31

Judah phun chungin a tangmi hna kha, vawlei chungah thuk piin hram a thla i thei a tlaimi thingkung bantukin an hninghno lai.

ISAIAH 5:2

Vawlei kha a cawh i lung kha a hlonh hna; mitsur kung ṭha bik phun kha a cin hna. Mitsur ruang cawnghnak caah cun parthlam pakhat a sak i mitsur thei nennak caah cun khor pakhat a cawh. Mitsur thei an hmin lai cu a hngah, sihmanhsehlaw an thor dih ai.

JEREMIAH 12:2

Nangmah nih na phun hna i hram an thla, An ṭhang i thei an tlai. An hmur ah cun na cuang lengmang ko, Asinain an lung cu nangmah he aa hlat ko.

JEREMIAH 2:21

Nangmah cu mitsur ruang ṭha bikcem in kan phun, Ci ṭha in lakmi na si. A si kun ahcun, zeitindah na rawh i ramlak mitsur ruang ah na can kun?

JOSHUA 24:12

Cun Amor mi siangpahrang pahnih nan hmai in a ṭhawltu hna khuaingal kha nan hmaiah ka thlah; nan vainam in siseh, nan likuk in siseh a si lo.