SALM 78:4 - Lai (Hakha) Common Language Bible 2006

⁴ Bawipa ṭhawnnak le amah nih thil lianngan a tuahmi hna le, thil khuaruahhar a tuahmi hna kha, kan fale cu chim loin kan um hna lai lo, kan hmai chan mi kha kan chimh hna lai.

Laibaibal Thiang (BSI)

⁴ Cucu an fale hna sinah kan thup lai lo, ṭhangthar a um laimi hna sinah BAWIPA thangṭhat sullam le, a ṭhawnnâk le thilmak a tuahmi kha kan chim lai.

SALM 78:4 ပူးပေါင်းရင်းမြစ်များ

JOB 15:18

(Mifim mi nih an rak chimmi, an upa hna nih thup lo tein an rak chimhmi hna biatak cu kan chimh lai.

SALM 26:7

Lunglawmhnak hla kha ka sa i khuaruahhar thil na tuahmi vialte kha ka chim hna.

SALM 9:14

Jerusalem khuami hna hmaiah ka dir lai i nangmah kha zei ruangah dah kan thangṭhat ti vialte kha ka chimh hna lai. Nangmah nih na ka chuah caah ka lung aa lawm lai.

EXODUS 12:26

Nan fale nih, ‘Hi phung hi a sullam zeidah a si?” tiah an in hal hna tikah,

EXODUS 13:14

Hmailei ah nan fale nih, ‘Hihi a sullam zeidah a si?’ tiah an in hal hna ahcun, ‘Sal i kan cannak inn, Izipt ram chung i fater vialte kha, minung he saram he, Bawipa nih a rak thah dih hna. Cu ruangah cun fater paohpaoh Bawipa sinah raithawinak i kan pekchanh hna hi a si i kan fater hna kan tlanh hna hi a si,’ tiah nan leh hna lai.

EXODUS 13:8

Cu ni ah cun nan fapa kha nan thawh hna lai i, ‘Hi ti kan tuahmi vialte hi Izipt ram in kan rak chuah tikah khan Bawipa nih kan ca i a tuahmi philh lonak caah a si,’ tiah nan chimh hna lai.

ISAIAH 38:19

Atu i keimah nih kan thangṭhat bantukin nangmah an thangṭhatmi cu minung hi an si. Zeitluk in dah zumhawktlak na si kha pale nih an fale kha an chimh hna.

JOEL 1:3

Hi kong cu nan fale kha chim hna u, Annih nih an fale kha an chimh chin hna lai i An fale nih cun an fale chin kha an chimh chin ve hna lai.

DEUTERONOMI 11:19

Cun mah hna cu nan fale kha nan cawnpiak hna lai i, nan inn chung i nan ṭhut le lam i nan i chawh le nan ih le nan thawh tikah nan chim lengmang hna lai.

DEUTERONOMI 4:9

“Ṭha tein i ralring u law, i zohkhenh u, nan mit nih a hmuhmi thil cu nan philh sual hna nakhnga lo le nan nunchung ah nan lung chungin an tlau sual nakhnga lo; nan fale le nan tule hna kha hngalhter hna u —

DEUTERONOMI 6:7

na fale kha fel tein na cawnpiak hna lai i, na inn chung i na ṭhut ah siseh, lam i na kal ah siseh, na ih ah siseh, na thawh ah siseh, na chim lengmang hna lai.