SALM 78:1 - Lai (Hakha) Common Language Bible 2006

¹ Maw ka mi hna, kan cawnpiakmi hna kha ngai tuah u, ka chimmi bia kha ṭha tein ngai tuah u.

Laibaibal Thiang (BSI)

¹ Maw ka mi le hna, ka nawlbia ah nan hna rak chi u law, ka hmurkâ chuak bia ah nan hna rak dawn u.

SALM 78:1 ပူးပေါင်းရင်းမြစ်များ

SALM 50:1

Lianngan Bik Pathian Bawipa nih bia a chim; vawlei cu a dihlak in nichuahlei in nitlaklei tiang a auh.

SALM 50:7

“Ka mi hna, ka bia ngai u law bia ka chim lai; Israel, nangmah cu fiang tein kan hngalhter lai. Pathian cu keimah hi ka si i keimah cu na Pathian ka si.

SALM 51:4

Ka sualnak cu, nangmah cungah, nangmah cung hrimhrim ah a si i a ṭhalo ah na ruahmi kha ka tuah. Cucaah cun bia na ka ceih tikah na hmaan ko i sual na ka phawt tikah na ding ko.

SALM 74:1

Zeicahdah hitihin na kan hlawt, Maw Pathian? Na mi cungah hin zungzal in maw na thin a hun lai?

PHUNGTHLÛKBIA 22:17

Na hna chi law mifim mi bia hi kan cawnpiak lai. Cun na lungthin cu ka fimnak na hmuh nakhnga caah hmang tuah;

ISAIAH 51:4

“Ka mi hna ka bia ngai tuah u, ka chimmi hi ngai tuah u: Cu ka chimmi cu miphun hna kha ka cawnpiak hna i ka phunglam nih ceunak ah a phakpi hna lai, ti hi a si.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

MATTHAI 13:9

Cun Jesuh nih cun, “Hna nan ngeih ahcun thei ko uh,” tiah a ti hna.

BIACEIHTU 5:3

“Ngai tuah u, maw siangpahrang hna, nan hna chi tuah u, maw bawi hna; Bawipa cu hla in ka hloi lai, Bawipa, Israel Pathian cu aw dawh in ka thangṭhat lai.