SALM 76:8 - Lai (Hakha) Common Language Bible 2006

^8-9 Vawleicung i hremnak a ingmi vialte hna khamh awkah; nangmah nih na biakhiahnak cu thanh awk i na thawh tikah, na biakhiahnak cu vancung khin na run langhter i vawlei cu a thin a phang i dai tein a um.

Laibaibal Thiang (BSI)

⁸ Na biaceihnâk cu van in na run hngalhter i vulei hi ṭih phangin dai tein a um.

SALM 76:8 ပူးပေါင်းရင်းမြစ်များ

2 SIANGPAHRANG 22:13

“Va kal u law hi cauk hmuhmi chungbia kong ah hin Bawipa cu, keimah ca le mi zapi ca le Judah vialte caah, va hal tuah u; zeicahtiah, kan pupa hna nih hi cauk chung i aa ṭialmi bia, kannih ca i aa ṭialmi bia vialte ning khan an rak tuah lo caah Bawipa thinhunnak kan cung i a alhmi cu a ngan ko,” tiah a ti.

1 CHANRELNAK 16:25

Zeitintiah Bawipa cu a lianngan i fak piin thangṭhat awk a si, Mi hna pathian vialte hna nakin amah cu ṭih awk a si deuh.

1 CHANRELNAK 16:30

Vawlei vialte hna, amah hmaiah cun ther tuah u; Asi, vawlei cu fek tein a dir ko, aa hnin bal lai lo.

NEHEMIAH 1:5

Cun kaa thawh i, “Maw Bawipa, vancung Pathian, nangmah an dawtu le na nawlbia a ulmi hna cung i biakamnak le a fekmi na dawtnak a hmunhtertu a lian a ngan i ṭih a nungmi Pathian,

JOB 25:2

“Pathian cu zeizong vialte tuah khotu a si, A pennak vancung ah khin daihnak a umter.

SALM 46:10

“Raldohnak kha ngol u” a ti hna, “Cun keimah cu Bawipa ka si hi hngal tuah u, miphun vialte hna a uktu cu ka si i, vawlei pumpi ah a ngan bikmi cu ka si,” a ti.

EXODUS 19:10

Bawipa nih Moses cu, “Mi zapi sinah khin va kal law nihin le thaizing biaknak ding caah va timhlamhter hna. An thil kha su hna seh law

JEREMIAH 10:10

Sihmanhsehlaw Bawipa cu Pathian taktak a si, Pathian nung le zungzal Siangpahrang a si. A thin a hun ciammam ah vawlei aa hnin i Miphun hna nih a thinhunnak kha an ing kho lo.

JEREMIAH 49:19

Zohhmanh, Jordan tiva kam tupi chungin a hung chuak i zungzal in a hringmi saṭil tlonnak ram lakah a ra chuakmi chiandeih bantukin keimah nih Edom mi vialte kha ka dawi dih hna lai i tuukawng ṭha bikbik kha ka tlaih din hna lai. Ahodah keimah bantuk hi a um i ahodah keimah tluk hi a um? Tuukhal aho tal ka hmaiah a dir khomi an um maw?

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

HABAKKUK 2:20

Bawipa cu a biakinn thiang chungah a um, vawleicung mi vialte hna a hmaiah dai zirziar in um tuah u.

ZEKHARIAH 2:13

Miphun vialte hna, Bawipa hmaiah dai tein um tuah u! Zeicahtiah amah cu a umnak hmun thiang khan aa thawh cang.

BIACEIHTU 5:20

Vancung khin arfi nih an run tuk, An lam khin Sisera cu an run tuk.