SALM 76:6 - Lai (Hakha) Common Language Bible 2006

⁶ Na ṭhih hna tikah maw Jakob Pathian, an rangtum vialte le an rangcung ralkap vialte cu an ril dih!

Laibaibal Thiang (BSI)

⁶ Maw Jakob Pathian, na siknâk ruangah rang le lêng an ril dih.

SALM 76:6 ပူးပေါင်းရင်းမြစ်များ

2 SAMUEL 10:18

Cun Siria mi cu Israel mi hna hmai in an zaam i David nih mi chungin rangleng za sarih aa citmi hna le rangcung ralkap sang li kha a thah hna i an ralkapbu ralbawi Shobak kha a hliam i cucaah cun khika ah a thi.

2 SIANGPAHRANG 19:35

Cun cu zan ah cun Bawipa vancungmi a kal i Assiria mi riahhmun ah cun sing khat, sang riat le thong nga a va thah hna; cun zingkate i mi nih an thawh tikah, zohhmanh, hi hna cu miruak an rak si dih ko.

2 CHANRELNAK 32:21

Cun Bawipa nih vancungmi pakhat a thlah i Assiria siangpahrang riahhmun i a ṭhawngmi ralkap hna le haotu hna le bawi vialte hna kha a thah hna. Cucaah hmaichia in amah a ram ah a kir ṭhan. Cun a pathian inn chung i a luh tikah khan amah fapa hna lila nih khan vainam in an thah.

SALM 104:7

sihmanhsehlaw ti cu na sik hna tikah an le na au thawng kha an theih tikah an zam.

SALM 18:15

Maw Bawipa, nangmah nih na ral cu na sik hna i na thinhun in na onhhnawh hna tikah rili tawne cu a lang i vawlei hram cu a chin kha aa hung.

SALM 80:16

Kan ral nih mei in an khangh i an sam dih; na thinhun in zoh hna law hrawk hna.

EXODUS 15:1

Khi tikah Moses le Israel mi nih hi hla hin Bawipa cu an thangṭhat: “Bawipa nih lianhngannak in a tei cang, rangtum hna le an cung i aa citmi hna cu rili chungah a paih hna, cucaah Bawipa cu hla in ka thangṭhat lai.

EXODUS 15:10

Sihmanhsehlaw na thaw voi khat na chuah i rili nih a khuh hna; ṭih a nungmi ti chungah khan suan bantukin an tla.

EXODUS 15:21

Miriam nih cun hla a sakpi hna i, Bawipa nih lianhngannak in a tei caah Bawipa cu hla in thangṭhat u; rangtum hna le a cung i aa citmi hna kha rili chungah a paih hna,” a ti.

ISAIAH 37:36

Bawipa vancungmi pakhat kha Assiria mi ralkap riahnak hmun ah khan a va kal i sing khat le sang riat le thong nga a va thah hna. A thaizing khua a hung dei tikah cun an thi phengphung ko.

JEREMIAH 51:39

An zu dinnak cu zawtnak in ka donghter lai i An rit tuk ah an i ngerh len lai i an i lawng len lai. A dong lomi hngilhnak chungah khan an tla lai i An i hlau ti lai lo, tiah Bawipa nih a ti.

JEREMIAH 51:57

A bawi hna le a mifim hna le a ram ukbawi hna le ralbawi hna le ralkap hna cu Ka ritter hna lai; A dong lomi hngilhnak chungah an tla lai i an i hlau ṭhan ti lai lo, tiah Siangpahrang, a min Ralkapbu Bawipa a simi nih a ti.

EZEKIEL 39:20

Ka cabuai ah cun rangtum le an cung i aa citmi ralkap hna le raltu miphun vialte hna sa kha vuai tein ei tuah u,’ ti hna,” tiah a ka ti. Mah hihi Bawipa Pathian bia hrimhrim a si.

NAHUM 1:6

Ahodah a thinhunnak hmaika ah cun a dir kho lai? Aho nih dah a thinlinhnak cu an dawnh khawh lai? A thinhunnak cu mei tiva bantukin a luang i a hmaiah lung hna cu an ti dih.

NAHUM 2:13

Nangmah cu kaan ralchanh, tiah Bawipa nih a ti. Naa porhlawtnak cu meikhu bangin dih lakin ka chuahter lai i Vainam nih na fale cu a thah hna lai. Vawlei cungah hin sa seh awk kan nganhpiak ti lai lo i Na rawl ei thawng cu theih a si ti lai lo.

NAHUM 3:18

Maw Assiria siangpahrang, na tuukhal hna cu an i hngilh, Na saṭil run cawngtu hna cu an it, Na ralkap hna cu tlang kip ah an i ṭhek dih i ahohmanh nih an pum hna lo.

ZEKHARIAH 12:4

Khi ni ah cun rangtum vialte kha ka lauter hna lai i an cung i aa citmi kha ka molhter hna lai, Judah kha cu ka zohkhenh lai, sihmanhsehlaw miphun dang rangtum vialte kha cu an mit ka cawtter hna lai, tiah Bawipa nih a ti.

1 SAMUEL 26:12

Cucaah David nih Saul lu hram khan fei le hranthawl kha a lak hna i an kal. Ahohmanh nih cucu an hmu lo, a hngalh zong an hngal lo, ahohmanh zong an i hlau lo zeitintiah Bawipa sinin mitkuh thut kha an cungah a tlung i an i hngilh dih.