SALM 76:10 - Lai (Hakha) Common Language Bible 2006

¹⁰ Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

Laibaibal Thiang (BSI)

¹⁰ Minung thinhunnâk nih an thangṭhat hrimhrim lai, a tângmi na thinhunnâk he na tai ah nâ sawmh lai.

SALM 76:10 ပူးပေါင်းရင်းမြစ်များ

GENESIS 50:20

Ka cung i ṭhat lonak tuah awkah khua nan khan, sihmanhsehlaw cu nan khuakhannak cu Pathian nih thil ṭha ah a canter. Cu a canter cu zeicahdah a si ti ahcun cu thawngin nihin i a nungmi mi tampi hna hi, an nunnak khamh awkah a rak si.

SALM 104:9

an lonh khawh lomi ramri kha na chiah i vawlei kha an khuh ṭhan kho ti lo.

SALM 12:6

Bawipa biakamnak cu zumhawktlak an si; somei chungah voi sarih tiang erletmi ngun tlukin an thiang.

SALM 46:6

Miphun cu a ther in an ther, pennak ram cu an i hnin, Pathian aw cu a thang i vawlei cu ti ah a cang dih.

SALM 65:7

Rili thawng cu na daihter i tilet thawng cu na nemter; mi au thawng cu na daihter.

SALM 82:8

Maw Pathian, ra law vawlei hi uk tuah; miphun vialte hi nangmah ta an si.

EXODUS 18:11

Atu cu Bawipa hi pathian vialte hna lakah a ngan bik a si tiah ka hngalh; Izipt mi hna nih Israel mi cungah huatnak in rian an ṭuan tikah hi bantukin a tuah caah khan, a ngan bik a si cu ka hngalh,” a ti.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

MATTHAI 24:22

Cu caan cu Pathian nih rak tawiter hlah seh law ahohmanh a nungmi an um hnga lo. Asinain Pathian nih a mithim mi hna caah, cu caan cu a tawiter lai.

JOHAN 19:22

Pilat nih cun, “Ka ṭialmi cu ka ṭialning in um ko seh,” tiah a leh hna.

ROM 9:17

Cathiang nih Faro kong ah a thawh i, “ ‘Ka ṭhawnnak langhnak caah le ka min cu vawlei cung dihlak i thanternak caah, hi ca hrimhrim ah hin, nangmah cu siangpahrang ah kan ser,’ tiah Pathian nih a ti,” tiah a ti.

BIAPHUAN 11:18

Atu caan hi na thinhunnak a rat caan le Mithi hna biaceih caan a si caah, Pathian bia lomi cu an thin a hung ngaingai. Cun atu caan hi na sal na profet hna le na mi vialte hna le nangmah an ṭihtu vialte hna kha, A hme a ngan thlu loin laksawng pek caan a si fawn. Cun vawlei a hrawktu hna hrawh caan kha a si,” an ti.