SALM 74:13 - Lai (Hakha) Common Language Bible 2006

¹³ A ṭhawngmi na thazang in rili kha na cheu i rili chung rulpi kha an lu na den dih hna.

Laibaibal Thiang (BSI)

¹³ Na ṭhawnnâk in rili kha na ṭhenter i ti chung i rili rulpi lu kha na khuai hna.

SALM 74:13 ပူးပေါင်းရင်းမြစ်များ

NEHEMIAH 9:11

Cun an hmaiah rili kha na cheu i cucaah rili chungah khan vawlei ro cungin an kal; cun a dawitu hna kha, a ṭhawngmi ti chungah lung a tlak bangin, a thukmi ti chungah na paih hna.

SALM 66:6

Rili cu vawlei ro ah a canter i kan pupa hna nih tiva cu an ke in an tan. Cuka ah cun, a tuahmi thil ruangah khan kan i lawm.

SALM 78:13

Rili kha a cheu i a chungin a hruai hna; ti cu vampang bantukin a dirter hna.

EXODUS 14:21

Moses nih rili cungah khan a kut a hler i zan khuadei a ṭhawngmi nichuahlei thli kha a hrang i cu thli nih cun rili cu a nam i vawlei ro ah a canter. Ti cu aa ṭhen i

EXODUS 14:28

Ti cu a kir i Israel mi a dawitu vialte hna, rangleng vialte hna le a mawngtu vialte hna le Faro ralkapbu vialte hna kha a phum dih hna, pakhat hmanh an tang lo.

EZEKIEL 29:3

Hihi Bawipa Pathian bia an si tiah chim: Izipt siangpahrang Faro, Nail tiva chung i aa bualmi tisartlam, Nangmah cu kan doh. Naa thawh i, ‘Ka Nail tiva cu keimah ta a si, a sertu kha keimah ka si,’ na ti.

EZEKIEL 32:2

A ka thawh i, “Mipa, Izipt siangpahrang Faro kha mithi hla lawh tuah law amah cu hi bangin chim: Miphun hna chiandeih tum no, na lo cang ai! Nangmah cu Nail tiva i tisartlam, A thaw a phit tik i ti a ṭhen dih i A ke in ti a let hluahmah i Tiva tete hna zong a nawiter dihtu bantuk na si, a ti,” tiah a ti.