SALM 74:1 - Lai (Hakha) Common Language Bible 2006

¹ Zeicahdah hitihin na kan hlawt, Maw Pathian? Na mi cungah hin zungzal in maw na thin a hun lai?

Laibaibal Thiang (BSI)

¹ Maw Pathian, zeiruangahdah nakan hlawt zungzal ko? zeiruangahdah na saṭil tlonnâk hmun i na tuurun hna cungah na thinhunnâk mei khu a zâm ko rih ê?

SALM 74:1 ပူးပေါင်းရင်းမြစ်များ

2 SIANGPAHRANG 21:14

Cun a tangmi ka ro hi ka hlonh lai i an ral hna kut chungah ka chanh hna lai i an ral hna caah ral tlaihmi le hranchaw an si lai,

SALM 10:1

Maw Bawipa, zeicahdah lamhla tuk ah na um? Zeicahdah harnak caan ah naa thuh?

SALM 100:3

Bawipa cu Pathian a si kha zeitikhmanh ah philh hlah u! A kan sertu cu amah a si i kannih cu amah ta kan si; a mi kan si i a tuurun kan si.

SALM 18:8

A hnar chungin meikhu an chuak i a kaa chungin a hliau in aa hliaumi meizik an chuak.

SALM 42:11

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

SALM 42:9

Pathian ka lungpi cu ka thawh i, “Zeicahdah na ka philh? Ka ral nih an ka hremnak hi zeicahdah ka in zungzal ko lai?

SALM 44:9

Sihmanhsehlaw atu cu maw Pathian, na kan hlawt cang i kan ral nih khan an kan tei cang; kan ralkap hna kha na kalpi ti hna lo.

SALM 50:1

Lianngan Bik Pathian Bawipa nih bia a chim; vawlei cu a dihlak in nichuahlei in nitlaklei tiang a auh.

SALM 60:1

Maw Pathian, na kan hlawt cang i kan ralhau kha na chim dih cang hna; kan cungah na thin a hung — sihmanhsehlaw atu cu kanmah leiah i mer ko sawh.

SALM 60:10

Na kan hlawt taktak ko cang maw? Kan ralkap cu na kalpi ti hna lai lo maw?

SALM 77:7

Bawipa nih hin a zungzal in maw a ka hlawt ko lai? Ka cungah hin lawmhnak a ngei ṭhan ti lai lo maw?

SALM 77:8

Daw ti loin maw a ka um ko lai? Bia a ka kammi cu pakpalawng maw a si ko lai?

SALM 78:1

Maw ka mi hna, kan cawnpiakmi hna kha ngai tuah u, ka chimmi bia kha ṭha tein ngai tuah u.

SALM 79:13

Cun kannih na mi, na tuurun chung tuu hna nih hin, zungzal in kan in lawmh lai i kan hmailei hna.

SALM 79:5

Bawipa, zei can dah kan cungah na thin a hun lai? Zungzal in maw a hun ko lai? Na thinhunnak cu zungzal in maw mei bantukin a alh ko lai?

SALM 80:5

Mitthli hi ni fate kan ei awk rawl ah na ser i hrai nganpi khat in kan din awkah na kan chiahpiak ko.

SALM 85:6

Thazang thar kan pe law, na mi nih kan in thangṭhat lai.

SALM 95:7

Amah cu kan Pathian a si, kannih cu a kan zohkhenhmi kan si, a kan cawmmi tuurun kan si. A chimmi kha nihin cu ngai tuah u; a bia cu hihi a si:

EXODUS 32:11

Sihmanhsehlaw Moses nih Bawipa a Pathian cu a nawl i, “Maw Bawipa, zeicahdah Izipt ram in na ṭhawnnak le na lianhngannak he na chuahpimi na mi hna cu na thinhunnak in na khangh hna lai?

ISAIAH 64:8

Sihmanhsehlaw Bawipa, nangmah cu kan Pa na si. Kannih cu tlak bantuk kan si i nangmah cu um sertu bantuk na si. Nangmah nih kannih cu na kan ser,

JEREMIAH 23:1

Ka tuurun chung tuu a ṭhek i a tlautertu hna tuukhal cu an cungah ningzahnak tlung ko seh, tiah Bawipa nih a ti.

JEREMIAH 31:37

Cunglei van khi aho tal nih tah kho in tanglei vawlei hi aho tal nih a thuknak hlai khawh si seh law, cu tik bel ah Israel tefa vialte hna cu an tuahmi ruangah khan ka hlawt khawh hna hnga, tiah Bawipa nih a ti.

EZEKIEL 34:31

Nannih cu ka tuurun, ka mi, ka cawmmi ka saṭil nan si i keimah cu nan Pathian ka si, tiah Bawipa Pathian nih a ti.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

DEUTERONOMI 29:20

Bawipa nih a ngaithiam lai lo, sihmanhsehlaw Bawipa thinhunnak le nahchuahnak nih cu pa cu a khut lai i hi cauk chungah aa ṭialmi chiat vialte hi a cungah an tla lai i, Bawipa nih a min cu vanrang toi in a hloh lai.