SALM 73:3 - Lai (Hakha) Common Language Bible 2006

³ zeicahtiah miṭhalo hna an huncho kha ka hmuh i an i porhlawt kha ka theih tikah cu nih cun ka nah a ka chuahter.

Laibaibal Thiang (BSI)

³ Zeitintiah misuaksual hna vanṭhatnâk ka hmuh tikah, ruamkaimi hna ka hnahchuah tawn.

SALM 73:3 ပူးပေါင်းရင်းမြစ်များ

JOB 12:6

Sihmanhsehlaw mifir le Pathian zei i a rel lomi hna cu dai tein khua an sa i Pathian thin a phoktu hna cu himte le dai tein an um.

JOB 17:8

Miding ka si, aa timi hna cu an khuaruah a har i Pathian zei i a rel lomi ah an ka chiah.

JOB 21:7

Zeicahdah miṭhalo hi an chan a sau i an tar zongah an ngan a dam, an lian an ngan i an ṭhawn?

JOB 24:23

Pathian nih him tein khua a sakter ko hna, Sihmanhsehlaw ṭha tein a ngiat zungzal hna.

SALM 10:5

A rianṭuannak ah a hlawh a tling. Pathian biaceihning kha a hngalthiam lo; a ral kha a nih in a nihsawh hna.

SALM 37:1

Miṭhalo hna ruangah awlokchong in um hlah, ṭhat lonak a tuahmi kha hngar hna hlah;

SALM 37:7

Bawipa hmaiah cun dai tein um ko law zeidah a tuah lai ti kha lungsau in hngak ko; thil ṭhalo an i tinhmi a tuah kho lengmangmi hna le an rian ṭuannak ah a hlawh a tlingmi hna kong ah zei poi loin va um ko.

PHUNGTHLÛKBIA 23:17

Misual kha tluk i zuam hna hlah, nifate in Bawipa a ṭihmi bel kha hngar ko hna;

PHUNGTHLÛKBIA 24:1

Miṭhalo hna tluk kha i zuam hlah, annih cu hawikom i i ser zong kha i zuam hlah.

PHUNGTHLÛKBIA 3:31

Zaang en hmangmi cu va hngar hna hlah, a lam zong kha zeihmanh vaa thim hlah;

PHUNGCHIMTU 7:15

Ka nun chung hi pakpalawng a si ko, sihmanhsehlaw hi chungah hin zeizong vialte ka hmuh dih; pakhat cu a ding ko nain a thi i pakhat tu cu a ṭhalo ko nain a chan a sau.

JEREMIAH 12:1

Maw Bawipa, nangmah cu na din caah bia kan al lai, Na hmaiah ka bia cu ka rak chuahpi ko lai. Zeicahdah mi ṭhalo hna cu khuaawng an ton i hlen hmangmi hna cu nuam tein khua an sak?

MALAKHI 3:15

“Miruamkai pei lunglawmmi cu an si ko hi, miṭhalo hna pei an nun a nuamh lawng si loin Pathian a hneksak i a luatmi an si ko hi,” nan ti.

JEIM 4:5

“Pathian nih kan chungah a chiahmi thlarau cu duhnak ṭihnung in a khat,” tiah Cathiang nih a timi kha sullam ngei lo a si tiah ruat sual hlah u.