SALM 72:7 - Lai (Hakha) Common Language Bible 2006

⁷ A chan chungah dinnak kha karh seh law thlapa a ceu chung paoh cu siṭhatnak kha hmun ko seh.

Laibaibal Thiang (BSI)

⁷ A nun lio ah miding kha an hninghno lai i thlapa ceu a um chung pauh cu duh a dimmi daihnâk a um lai.

SALM 72:7 ပူးပေါင်းရင်းမြစ်များ

1 SIANGPAHRANG 4:25

Cun Solomon a nun chung vialte cu Judah mi hna le Israel mi hna kha Dan in Beersheba tiang, anmah le an mitsur ruang tang le an theipi kung tang cio ah him tein khua an sa.

1 SIANGPAHRANG 5:4

Sihmanhsehlaw atu cu Bawipa ka Pathian nih a kenkip ah daihnak a ka pek i ral siseh, vanchiatnak siseh a um lo.

SALM 92:12

Miding mi cu tumkung bantukin an hninghno lai i Lebanon tlang sidar thingkung bantukin an ṭhang lai.

ISAIAH 2:4

Miphun ngan pipi an i siknak cu a remh hna lai. An vainam cu tuhmui ah an ser hna lai i an fei cu namtong ah an ser hna lai. Phun khat le phun khat an i do ti lai lo, ral doh zong an i tim ti lai lo.

ISAIAH 60:1

Tho tuah, Jerusalem, ni bantukin tlang tuah; Bawipa sunparnak cu na cungah a tlang!

ISAIAH 60:22

Nan innchungkhar hna lak i a hme bik le santlailo bik hna hmanh kha a ṭhawngmi miphun tluk ah an i cang lai. Amah le a caan te ah hi thil cu khulrang in ka umter lai. Keimah cu Bawipa ka si,” a ti.

DANIEL 2:44

Cu siangpahrang hna chan ah cun vancung Pathian nih pennak pakhat a ser lai i cu pennak cu zeitikhmanh ah a rawk lai lo; cu pennak cu midang sinah aa ṭhial lai lo; hi pennak vialte hi a hrawh dih hna lai i a donghter dih hna lai, sihmanhsehlaw cu pennak tu cu zungzal in a hmun lai.

ZEKHARIAH 9:10

Efraim in rangleng kha a dawi dih hna lai i Jerusalem in raltuknak rangtum kha a dawi dih hna lai; Ralkap likuk kha hlonh dih an si lai. Miphun kip sinah khan daihnak in bia a chim lai i A pennak cu rili in rili tiang a phan lai. Zufrates tiva in vanhramdeng tiang a phan lai.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

LUKA 1:33

Jakob tefa hna siangpahrang zungzal in a si lai, a pennak cu zeitikhmanh ah a dong lai lo,” tiah a ti.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

LAMKALTU 4:32

Cun zumtu hna cu an bu ningte in an ruahnak le an lungthin aa khat dih. Ahohmanh nih an thil kha, keimah ta, an ti lo i an ngeihmi paoh kha an i hrawm dih.