SALM 72:16 - Lai (Hakha) Common Language Bible 2006

¹⁶ Ram chungah rawl tam piin um ko seh; Lebanon tlang i a ummi rawl kung ṭha bantuk nih tlang vialte cu tuam dih hna seh. Ramlak i a khomi ram bantukin khuapi cu minung in khat hna seh.

Laibaibal Thiang (BSI)

¹⁶ Leiah hin eiawk tampi an um lai i tlângcung kha an par lai, a thei kha Lebanon bantukin an i hnin suaimau lai; khuapi chungmi kha vulei i ramhring bangin an hninghno lai.

SALM 72:16 ပူးပေါင်းရင်းမြစ်များ

1 SIANGPAHRANG 4:20

Judah le Israel mi hna cu rilikam i thetse zat khin an tam; an ei an ding i an i lawm.

JOB 5:25

Na tefa hna cu tampi an si lai kha le Na hrinsor hna cu vawlei i ram bantuk an si lai kha na hngalh fawn lai.

JOB 8:7

Cun naa thawknak cu hme hmanh seh law, na donghnak lei cu a ngan lai.

SALM 104:16

Lebanon Tlang sidar thingkung cu ruah tampi an hmu, annih cu Bawipa nih amah caah aa cinmi thingkung an si.

SALM 72:6

Siangpahrang cu lo a surhtu ruah bantuk si seh law vawlei a cawmtu ruah bantuk si seh.

ISAIAH 29:17

Phungthluk ah an ti bang, tupi hmawng cu lo ah a cang lai i lo cu tupi ah a cang ṭhan lai.

ISAIAH 30:23

Thlaici nan tuh tikah Bawipa nih ruah a surter lai i a khohter hna lai i kumvui ṭha an pek hna lai. Cun nan saṭil nih ram hno tampi an hmuh lai.

ISAIAH 32:15

Asinain Pathian nih voi khat cu a thlarau kha a kan thlahhnawh ṭhan lai. Zeihmanh a ṭhahnem lomi hmun kha vawlei ṭha ah a cang ṭhan lai i lo chungin rawl tampi a chuak ṭhan lai.

ISAIAH 32:20

Rawl caah ti tampi a um lai i caw le rang caah ramhno tampi a um lai caah zeitluk in dik aho paoh an i lawmh cio lai.

ISAIAH 35:2

Thetse ram cu hla a sa lai i lawmhnak in a au lai; Lebanon Tlang bantukin aa dawh lai i Karmel Tlang le Sharon nelrawn lo bantukin a ṭha lai. Mi kip nih Bawipa sunparnak le kan Pathian a lianhngannak le a ṭhawnnak kha an mit in an hmuh lai.

JEREMIAH 33:22

Van i arfi rel cawk lo le rili thetse rel cawk a si lomi bantukin, ka sal David i a tefa cu ka karhter hna lai i ka rian a ṭuanmi Levi mi hna zong ka karhter hna lai,” tiah a ti.

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

LAMKALTU 2:41

Mi tampi nih a bia cu an zumh i tipil kha an in; cu ni ah cun an bu ah mi thong thum tluk an i chap.

LAMKALTU 4:4

Sihmanhsehlaw an chimmi a theimi mi tampi nih khan an zumh i an dihlak ah thong nga hrawng an hung si.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.

BIAPHUAN 7:9

Cu hnuah cun khua ka hun zoh i mibu nganpi, ahohmanh nih a rel in an rel cawk lomi khi ka hmuh. Annih cu phun kip, ram kip, holh kip le hrin kip chungin a rami an si i bawiṭhutdan hmai le Tuufa hmaiah cun an dir i puan rang an i aih i tum hnah kha an i put.