SALM 71:5 - Lai (Hakha) Common Language Bible 2006

⁵ Bawipa, nangmah cungah ka ruahchannak vialte kha ka chiah, ka no lio tein nangmah cu kan bochan zungzal.

Laibaibal Thiang (BSI)

⁵ Zeitintiah maw Bawipa PATHIAN, nangmah cu ka ruahchannâk na si; ka no lio cân in ka bochannâk na si.

SALM 71:5 ပူးပေါင်းရင်းမြစ်များ

1 SIANGPAHRANG 18:12

Nangmah sinin ka kal cangka, Bawipa thlarau nih ka hngalh lomi hmun ah an kalpi lai i cucaah ka rat i Ahab kha ka chimh i an hmuh khawh lo tikah, a ka thah lai, keimah na salpa nih hin ka tlanval lio in Bawipa cu ka upat ko dahkaw.

2 CHANRELNAK 34:3

Zeitintiah a bawi kum riatnak kum, tlangval note a si lioah khan, a pa David i Pathian kha kawl hram a thawk; cun a kum hleihnih kum ah Judah le Jerusalem chung i khuahrum bo hna le Asherim hna le suaimi milem hna le thletmi milem hna kha thianh hram a thawk hna.

SALM 119:166

Maw Bawipa, na khamhnak cu kaa ruahchan i nawl na ka pekmi cu ka tuah hna.

SALM 119:81

Maw Bawipa, na khamhnak ka hngahnak ah hin ka ba tuk hringhran cang; na bia cu kaa bochanmi a si.

SALM 13:5

Sihmanhsehlaw a fekmi na dawtnak kha kaa bochan i na ka khamh lai ti ka zumh caah kaa lawm lai.

SALM 39:7

Cu ti a si caah cun, Bawipa, zeidah kaa ruahchan khawhmi a um? Nangmah lawnglawng hi kaa ruahchanmi na si.

SALM 42:11

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

SALM 71:17

Ka no lio tein nangmah nih na ka cawnpiak i atu tiangin khuaruahhar na tuahmi kha ka chim lengmang ko.

PHUNGCHIMTU 12:1

Cucaah nan tlanval lioah nanmah an sertu kha philh hlah u, ni ṭhalo hna an phak hlan le, “An chungah nuamhnak zeihmanh kan ngei lo,” nan timi kum hna an nai hlanah hin.

JEREMIAH 14:8

Maw nang, Israel mi nih an i ruahchanmi, harnak caan i a khamhtu hna, Kan ram chungah hin khual bantukin maw na um ko lai? Zan khat riak khualtlawng bantuk maw na si ko lai?

JEREMIAH 17:13

Maw Bawipa, nangmah cu Israel mi nih an i hngatchanmi na si, Nangmah an hlawtu vialte cu ningzahnak an phan lai; Bawipa, nangmah cu nunnak cerhti na si i Nangmah an hlawmi vialte cu leidip lak i min ṭialmi bangin an lo lai.

JEREMIAH 17:17

Ka caah ṭihnung si sawh hlah, Rawhralnak ni ah nangmah lawnglawng hi ka himnak na si.

JEREMIAH 17:7

Sihmanhsehlaw keimah kha a ka bochan i a ka hngatchanmi cu thluachuahnak ka pek lai.

JEREMIAH 50:7

A hmumi hna paoh nih khan annih cu an ei hna i an ral hna nih cun, “Annih nih Bawipa cungah an sual caah kannih nih kan tuahmi hi cu sual a si lo. An pupa hna nih khan Bawipa cu an rak i bochan i annih zong nih hin amah sinah cun zumhawktlak tein an um ve awk a si,” tiah an ti.

LUKA 2:40

Ngakchia cu a hung ṭhang i a hung ṭhawng; fimnak in a khat i Pathian thluachuahnak kha a cungah a um.

ROM 15:13

Thiang Thlarau ṭhawnnak thawngin nan i ruahchannak cu a ṭhan lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

2TIMOTE 3:15

na ngakchiat lio tein Cathiang kha a hngalmi na si; na hngalh bangin cu Cathiang hna nih cun Khrih Jesuh zumhnak thawngin hmuhmi khamhnak i an kalpi khotu fimnak kha an pek.

1 SAMUEL 16:13

Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal.