SALM 71:20 - Lai (Hakha) Common Language Bible 2006

²⁰ Ka cungah harnak le nganfahnak kha na tlunter, sihmanhsehlaw nangmah nih ka thazang kha na ka pek ṭhan lai i thlan chungin na ka khamh lai.

Laibaibal Thiang (BSI)

²⁰ Nang, a nganmi le a fâkmi buaibainâk aka hmuhtertu nih, ka tharchuah ṭhân law, a thûkmi lei chungin ka chuah ṭhân ko sawh.

SALM 71:20 ပူးပေါင်းရင်းမြစ်များ

2 SAMUEL 12:11

Hi bangin Bawipa nih, ‘Zohhmanh, nangmah inn chung lila in ṭhat lonak nangmah cungah ka chuahter lai i na mitka hrimhrim ah na nupile hna cu ka lak hna lai i na innpa kha ka pek hna lai i hi ni ka hmuh hngan ah hin na nupile cu a ihpi hna lai.

SALM 119:25

Leidip lakah ka ril ko cang, bia na ka kamh bang khan ka nunter ṭhan ko.

SALM 138:7

Harnak nih a kulh in a ka kulh hmanh ah, him tein na ka umter ko, a thin a linh in a linmi ka ral kha na doh hna i na ṭhawnnak in na ka khamh.

SALM 16:10

Cu ti ka si cu Mithi khua ah khan na ka kaltak lai lo le na dawtmi cu Khor Thuk chungah na ka chiahtak lai lo caah a si.

SALM 60:3

Na mi cu temhnak tampi na kan inter, a kan rittertu zu kha na kan dinter.

SALM 60:5

Na ṭhawnnak in kan khamh tuah; kan thlacamnak kha kan let tuah, cuticun na dawtmi hna hi kan luat kho lai.

SALM 80:18

Nangmah cu zeitikhmanh ah kan in mertak ti lai lo; nungdam in kan umter law kan in thangṭhat lai.

SALM 85:6

Thazang thar kan pe law, na mi nih kan in thangṭhat lai.

SALM 86:13

A fekmi na dawtnak cu zeitluk in dah ka caah a ngan! Thlan tawne in na ka khamh.

SALM 95:4

Vawleicung vialte hi amah nih a uk dih, lungkua thuk bik in tlang sang bik tiang a uk dih hna.

ISAIAH 26:19

Kan mi hna a thimi kha an nung ṭhan lai! An pum kha a nung ṭhan lai. An thlan i a itmi vialte kha an i hlau lai i lunglawm in hla an sa lai. Dapti nih vawlei cu a hrinter ṭhan bantukin a thi ciami cu Bawipa nih a nunter ṭhan hna lai.

ISAIAH 38:17

Ka chungvanghnak cu daihnak ah a cang lai. Nangmah nih ka nunnak cu ṭihnung chungin na khamh, ka sualnak vialte kha na ka ngaihthiam.

JONAH 2:6

Tlang hna kehram hrimhrim kha ka vung phan, A kutka aa hrenh zungzalmi ram kha ka vung phan; Sihmanhsehlaw Maw Bawipa, ka Pathian, a thukmi hmun chung khan nangmah nih na ka chuah.

MARKA 15:34

Zanlei suimilam pathum ah Jesuh cu fak piin a au i, “Eloi, Eloi, lema sabakthani,” tiah a ti, a sullam cu, “Ka Pathian, ka Pathian, zeicahdah na ka kaltak,” ti a si.

LAMKALTU 2:24

Sihmanhsehlaw Pathian nih amah cu mithi hna sin khan a thawhter ṭhan, thihnak nih amah cu a tlaih peng khawhnak ding zeihmanh a um lo.

EFESA 4:9

“A hung kai,” ti cu a sullam zeidah a si? A hmasa bik ah, “A rung ṭum,” tinak a si — cucu vawlei tangah khin a vung ṭum tinak a si.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.

1 SAMUEL 2:6

Bawipa nih a thah tawn hna a nun zong a nunter tawn hna. Sheol ah a kalter tawn i a chuah zong a chuahter tawn hna.