SALM 71:2 - Lai (Hakha) Common Language Bible 2006

² Na din caah ka hram law ka chanh ko, ka bia ka ngaihpiak law ka khamh tuah.

Laibaibal Thiang (BSI)

² Nadinnâk in ka khamhlaw, luatnâk lam ka ser piak ko; keimah lei ah na hna chi law, ka khamh ko sawh.

SALM 71:2 ပူးပေါင်းရင်းမြစ်များ

SALM 143:1

Bawipa, ka thlacamnak cu ka theihpiak law kan nawlnak cu ka ngaihpiak ko. Nang cu na ding i zumhawktlak na si caah Ka thlacamnak cu ka let tuah.

SALM 143:11

Bia na ka kam bang khan ka khamh tuah, Maw Bawipa; na ṭhatnak thawngin ka harnak chung khan ka chuahter ko.

SALM 17:2

Ahmaanmi thil kha nangmah nih na hngalh caah keimah lei ṭanh in bia na ceih lai.

SALM 17:6

Maw Pathian, na sinah thla ka cam i na ka leh: cucaah atu zongah hin keimah leiah i mer law ka bia cu ka ngaihpiak ko.

SALM 31:1

Himnak hmuh duh ah kan fuh, Maw Bawipa, ka sunghter sawh hlah. Nangmah cu a dingmi Pathian na si, ka khamh ko sawh, tiah kan nawl.

SALM 31:2

Ka thlacamnak cu ka theihpiak law ka khamh ko sawh; ka himnak lungpi si law ka khamhnak ding caah a fekmi ralhau si ko.

SALM 34:15

A dingmi cu Bawipa nih a zohkhenh hna i an aunak kha a theih;

SALM 43:1

Pathian, ka sual lo kha ka thanhpiak law Pathian zei i a rel lomi hna lakah hin ka bia ka chimpi tuah; lihchim hmangmi le miṭhalo hna kut chung hin ka chuah tuah.

DANIEL 9:16

Maw Bawipa, nang cu na ding ko, cucaah Jerusalem khua cungah na thin hung ti hlah. Jerusalem cu nangmah khua a si, na tlang thiang a si. Kan sualnak le kan pupa hna nih an rak tuahmi ṭhat lonak ruangah kan pawngkammi hna nih na mi le Jerusalem cu an kan zohchuk cang.

1 KORIN 10:13

Tukforhnak nan cung i a tlungmi hi midang zong nih an in cio tawnmi an si ko. Pathian nih a biakamnak cu a zulh ko lai i nan in khawh leng tiangin tukforhnak cu nan cungah a tlunter lai lo. Tukforhnak nan in tikah in khawhnak thazang an pek hna lai i chuah khawhnak lam zong an serpiak hna lai.