SALM 71:19 - Lai (Hakha) Common Language Bible 2006

¹⁹ Maw Pathian, na dinnak cu van khi a phan. Thil lianngan tampi na tuah hna, nangmah bantuk ahohmanh an um lo.

Laibaibal Thiang (BSI)

¹⁹ Maw Pathian, na dinnâk hi a sângtuk hringhran, maw Pathian, thil lianngan a tuahtu, nangmah bantuk ahodah a um bal?

SALM 71:19 ပူးပေါင်းရင်းမြစ်များ

JOB 5:9

Amah nih thil lianngan hna le ruah phak lomi thil hna le khuaruahharmi thil kha rel cawk loin a tuah hna:

SALM 139:6

Na ka hngalhnak hi a thuk tuk hringhran, ka ruahnak nih a phak khawh leng a si.

SALM 35:10

Ka lungthin dihlak in Bawipa cu ka thawh lai i, “Nangmah bantuk ahohmanh an um lo! A dermi kha a ṭhawngmi hna kut chungin na huhphenh hna i sifakmi le retheimi kha mi hrem mi hrem hmangmi hna kut chungin na khamh hna,” ka ti lai.

SALM 36:7

Maw Pathian, zeitluk in dah na dawtnak hi a sun! Na thla tangah mi nih dornak an hmuh.

SALM 57:10

A fekmi na dawtnak cu vancung tiang a phan, zumhawktlak na sinak cu van a tawng.

SALM 72:18

Bawipa Israel Pathian cu thangṭhat ko u, amah lawnglawng cu, hi thil khuaruahhar a tuah khotu a si.

SALM 86:8

Bawipa, nangmah bantuk pathian dang ahohmanh an um lo, nangmah tuahmi bantuk a tuah khomi pakhat hmanh an um lo.

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

PHUNGTHLÛKBIA 15:24

Mifim cu nunnak lam leiah khin an hung kal, thihnak lam leiah cun an vung kal lo.

PHUNGTHLÛKBIA 24:7

Fimnak hi mihrut caah cun a sang tuk i a hngalh khawhmi a si lo, thil pipa ceih tikah zeihmanh chim awk a hngal lo.

ISAIAH 40:18

Pathian cu aho he dah na tahchunh khawh lai? Zeidah a lawh ti kha zeitindah na chimh khawh lai?

ISAIAH 40:25

Pathian thiang cu aho he dah tahchunh khawh a si lai? Amah bantuk aho tal an um maw?

ISAIAH 5:16

Sihmanhsehlaw Ralkapbu Bawipa nih a lianhngannak cu ahmaanmi thil a tuahmi ah khan a langhter i a thiannak cu a mi hna an bia a ceihpiak hnanak ah khan a langhter.

ISAIAH 55:9

Van khi vawlei nakin a let tam piin a san deuh bangin ka ruahning le ka thil tining zong nan ruahning le nan thil tining nakin a let tam piin a sang deuh.

JEREMIAH 10:7

Maw miphun vialte hna Siangpahrang, Nangmah cu ahodah ṭih loin a um hnga? Zeicahtiah nangmah cu ṭih awk tlak hrimhrim na si; Miphun a fim bikbik hna lak le an bawi bikbik hna lakah, Khuazei tal ah nangmah bantuk hi hmuh khawh an si hnga maw?

LUKA 1:49

Bawipa, a ṭhawngmi Pathian nih ka cungah khuaruahhar tuk in rian a ṭuan. A min cu a thiang;

DEUTERONOMI 3:24

‘Maw Bawipa Pathian, nangmah na salpa hi na lianhngannak le a ṭhawngmi na kut hmuhsak kha a thawk lawng na thawk rih, zeitintiah nangmah tuahmi thil bantuk le khuaruahhar na sermi bantuk a tuah khotu pathian, van ah siseh, lei ah siseh, ahodah a um?