SALM 71:18 - Lai (Hakha) Common Language Bible 2006

¹⁸ Atu cu a tar i a sam a par cang aipat tiin ka kaltak hlah, maw Pathian. Hmailei chan a ra ding vialte sinah na ṭhawnnak le na lianhngannak ka chimnak dingah hin nangmah nih ka umpi ko.

Laibaibal Thiang (BSI)

¹⁸ Atu ka tar cang i ka sam apar hnu ah hin, Maw Pathian, ka kaltâk sawh hlah; atu chanthar mi hna le, a chuak hngami vialte sinah, na ṭhawnnâk le thiltikhawhnâk hi ka phuan chuah hlan ah cun.

SALM 71:18 ပူးပေါင်းရင်းမြစ်များ

GENESIS 27:1

Isak cu a tar cang i a mit khua a hmu ti lo. A fapa upa deuh Esau kha a auh i, “Ka fapa,” tiah a ti i, Esau nih, “Hawi,” a ti.

SALM 22:31

A chuak rih lomi minung kha, “Bawipa nih mi a khamh hna,” tiah an chimh hna lai.

SALM 48:14

Pathian cu a zungzal in kan Pathian a si i hmailei i a ra ding caan vialte ah a kan hruai lai, tiah nan chimh khawh hna lai.

SALM 71:9

Atu cu a tar cang aipat tiin ka hlaw sawh hlah, san a tlai ti ualpat lo tiin ka kaltak hlah.

SALM 78:4

Bawipa ṭhawnnak le amah nih thil lianngan a tuahmi hna le, thil khuaruahhar a tuahmi hna kha, kan fale cu chim loin kan um hna lai lo, kan hmai chan mi kha kan chimh hna lai.

SALM 78:6

Cuticun hmai chan mi nih an hngalh ve lai i an fale kha an cawnpiak ve hna lai.

EXODUS 13:8

Cu ni ah cun nan fapa kha nan thawh hna lai i, ‘Hi ti kan tuahmi vialte hi Izipt ram in kan rak chuah tikah khan Bawipa nih kan ca i a tuahmi philh lonak caah a si,’ tiah nan chimh hna lai.

ISAIAH 46:4

Keimah cu nan Pathian ka si i nan tar i nan ṭuak a par tiang kan zohkhenh hna lai. Keimah nih kan ser hna i kan zohkhenh hna lai, kan bawmh hna lai i kan chuah hna lai.

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

ISAIAH 53:1

Mi nih khan an leh i, “Atu i kan chimmi hi aho nih dah an rak kan zumh khawh hnga? Hi thil ah hin Bawipa kut aa tel kha aho nih dah an hmuh khawh hnga?

LAMKALTU 13:36

David nih khan amah a caan ah khan Pathian rian cu a rak ṭuan; cun a thi i a hringsortu hna sinah khan vui a si i thutnak kha a in.

1 SAMUEL 4:15

Eli cu kum sawm kua le kum riat a si cang i a mit cu a caw cang, cucaah khua a hmu kho ti lo.

1 SAMUEL 4:18

Pathian kuang, ti a vun chim tikah khan Eli cu, kutka pawng i a ṭhutdan cung khan hnulei ah aa ngal; a hngawng a kiak i a thi, zeicahtiah amah cu a tarmi a si i a rit fawn. Israel mi cu kum sawm li bia a ceih hna.