SALM 70:4 - Lai (Hakha) Common Language Bible 2006

⁴ Nangmah sinah a rami vialte cu lunglawm le thanuam in um hna seh. Na khamhnak a duhmi vialte nih, “Bawipa cu a lianngan hringhran ko,” ti zungzal hna seh.

Laibaibal Thiang (BSI)

⁴ Nangmah kawltu vialte kha nangmah ah lunglawm tha nuam in um hna seh. Na khamhnâk tlaihchantu hna nih, “Pathian cu thangṭhat hna seh,” tiah ti zungzal hna seh.

SALM 70:4 ပူးပေါင်းရင်းမြစ်များ

SALM 35:27

Ka luat caah a lung aa lawmmi cu lawmhnak in au hna seh law, “Bawipa cu a lianngan ko, a sal nih hlawhtlinnak a hmuh i amah cu a lawmhpi,” tiah chim lengmang hna seh.

SALM 40:16

Nangmah sinah a rami vialte cu lunglawm le thanuam in um hna seh. Na khamhnak a duhmi vialte nih, “Bawipa cu a lianngan hringhran ko,” ti zungzal hna seh.

SALM 5:11

Nangmah ah himnak a hmumi cu an i lawm lai i lawmhnak in hla an sa zungzal lai. Nangmah an dawmi cu na huhphenh hna, nangmah thawngin lawmhnak taktak an hmu.

SALM 97:12

Bawipa nih a tuahmi thil ruangah, a dingmi nannih vialte i lawm tuah u. Mi Thiang nih a tuahmi kha philh hlah u law amah kha lawmhnak in thangṭhat u. amah kha lawmhnak in thangṭhat u.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ṬAHNAK HLA 3:25

Bawipa cu amah aa bochanmi hna vialte cungah a ṭha.

JOHAN 16:20

Biatak kan chimh hna: nannih cu nan ṭap nan ai len lai, sihmanhsehlaw vawlei cu aa lawm lai; nan ngaih a chia lai, sihmanhsehlaw nan ngaihchiatnak cu lunglawmhnak ah a cang te lai.