SALM 7:8 - Lai (Hakha) Common Language Bible 2006

⁸ Bawipa, nangmah cu mi vialte biaceihtu bawi na si. Kei cu miṭha le a sual lomi ka si caah keimah lei ṭanh in biakhiahnak kha tuah ko.

Laibaibal Thiang (BSI)

⁸ BAWIPA nih bia a ceih hna lai; maw BAWIPA, ka dinnâk le ka chung i a ummi zumhtlâksinâk bangin bia ka ceih ko.

SALM 7:8 ပူးပေါင်းရင်းမြစ်များ

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

GENESIS 31:53

Abraham Pathian le Nahor Pathian cu kan karlak biaceihtu si seh,” a ti. Cun Jakob nih khan a pa Isak nih a biakmi Pathian min in biakamnak a tuah.

2 CHANRELNAK 20:12

Maw kan Pathian, an cungah biaceihnak na tuah hnga lo maw? Zeitintiah kannih doh awkah a kan rathnawhtu hi bu nganpi hmaiah hin kannih cu santlailo kan si ko. Zei tuah awk kan hngal lo, sihmanhsehlaw kan mit lawng kha na cungah a um ko,” tiah a ti.

SALM 11:4

Bawipa cu a biakinn thiang chungah a um ko i a bawiṭhutdan cu van ah khin a um ko. Mi vialte kha a zoh hna i an tuahmi vialte kha a hngalh dih.

SALM 25:21

Nangmah kha kan bochan caah ka ṭhatnak le ka lih chim lonak nih ka huppheng ko hna seh.

SALM 26:1

Bawipa, nangmah kha ka lung a dih-umnak in kan bochan i a dingmi thil kha ka tuah caah, misual lo ka sinak kha ka thanhpiak tuah.

SALM 26:11

Kei tu cu ahmaanmi thil kha ka tuah; ka zaangfah law ka khamh tuah.

SALM 41:12

Ahmaanmi kha ka tuah caah na ka bawmh lai; na hmaika ah a zungzal in na ka umter lai.

SALM 43:1

Pathian, ka sual lo kha ka thanhpiak law Pathian zei i a rel lomi hna lakah hin ka bia ka chimpi tuah; lihchim hmangmi le miṭhalo hna kut chung hin ka chuah tuah.

SALM 78:72

David nih cun a lungthin a dih-umnak in a zohkhenh hna i fimnak in a hruai hna. in a zohkhenh hna i fimnak in a hruai hna.

SALM 82:1

Vancung biaceihnak hmun ah Pathian cu a dir i pathian pawl an i pumhnak ah biakhiahnak hi bantukin a tuah;

SALM 9:8

Dinnak in vawlei kha a uk i biading in mi kha an bia a ceih hna.

SALM 96:13

zeicahtiah vawlei uk awkah a ra cang; vawleicung mi vialte kha dingte le i ruang tein a uk hna lai. ruang tein a uk hna lai.

SALM 98:9

zeicahtiah amah cu vawlei uk awkah a ra cang. Vawleicung mi vialte cu dinnak le ruannak in a uk hna lai.

PHUNGTHLÛKBIA 19:1

Lungthin a ṭhami misifak cu hrokhrawl in bia a chimmi mirum nakin a ṭha deuh.

LAMKALTU 17:31

Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter,” tiah a ti.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

1THESALON 2:10

Kan tehte cu nanmah kha nan si i cu bantukin Pathian zong a si ve. Nannih a zummi hna cung i kan ziaza cu a thiangmi le ahmaanmi le palhnak zeihmanh a um lomi a si.