SALM 7:6 - Lai (Hakha) Common Language Bible 2006

⁶ Na thinhun in tho tuah, maw Bawipa, ka ral hna thinhunnak kha doh awkah dir tuah. I hlau law ka bawm tuah, zeicahtiah na duhmi cu ding tein biaceih kha a si.

Laibaibal Thiang (BSI)

⁶ Maw BAWIPA, thinhung in tho; ka ral hna thinhunnâk ruangah rung lang law, nawl napêk cang bang khan ka ca biaceih dingin tho tuah!

SALM 7:6 ပူးပေါင်းရင်းမြစ်များ

2 SAMUEL 17:14

Cun Absalom le Israel mi vialte nih cun, “Hushai ruahnak cheuhmi cu Ahithophel ruahnak cheuhmi nakin a ṭha deuh,” tiah an ti. Zeitintiah Bawipa nih Absalom cungah ṭhat lonak a tlunter nakhnga, Bawipa nih Ahithophel cheuhmi ruahnak ṭha cu sunghter awkah a rak ruah cia cang.

SALM 103:6

Hremnak a ingmi kha biaceih tikah Bawipa nih a ṭanh hna i an hmuh awk hnga a simi kha a pek hna.

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

SALM 138:7

Harnak nih a kulh in a ka kulh hmanh ah, him tein na ka umter ko, a thin a linh in a linmi ka ral kha na doh hna i na ṭhawnnak in na ka khamh.

SALM 143:3

Ka ral nih a ka hrem i a ka tei cikcek. A muimi thonginn chungah a ka khumh i hlanpi ah a thi cangmi hna bantuk kha ka si.

SALM 3:7

Bawipa, ra ko sawh! Ka Pathian, ka khamh ko! Ka ral vialte cu na tei dih hna i miṭhalo vialte cu na hrawh dih hna.

SALM 35:1

A ka dohmi kha do ve hna law a ka tumi kha tu ve hna, Maw Bawipa.

SALM 35:23

Bawipa, i hlau law ka chanh tuah; ka Pathian, tho law ka bia ka chimpiak tuah.

SALM 44:23

Bawipa, i hlau tuah! Zeicahdah naa hngilh? Tho tuah, a zungzal in kan hlawt hlah.

SALM 44:26

Tho law kan bawm tuah! A fekmi na dawtnak ruangah kan khamh tuah!

SALM 59:5

Maw Lianngan Bik Bawipa, tho law ka bawm tuah; maw Israel Pathian, nangmah hrimhrim nih ra zoh tuah. I hlau law miphun kha dantat hna, mi rawi hmang, miṭhalo mi hi, zaangfah hna hlah.

SALM 73:20

Bawipa, annih cu zanmang bantuk an si, na hun i hlauh tikah annih cu an lo colh.

SALM 74:3

Ra law kan thil a rawkmi hi na ke hrimhrim in ra pal, kan ral nih biakinn chung thil vialte an hrawh dih.

SALM 78:65

A donghnak ah Bawipa cu hngilh i hun i hlauh bantuk khin a hun i hlau; zu nih a tha a pawttermi ralkap ṭhawng bantuk khi a si.

ISAIAH 3:13

Bawipa cu a bia kha chim awkah aa tim cang, miphun vialte kha an bia ceih awkah a tlam a tling cang.

ISAIAH 33:10

Bawipa nih miphun cu a thawh hna i, “Atu cu ka cawlcang cang lai! Zeitluk in dah a ṭhawngmi ka si kha kan hmuhsak cang hna lai.

ISAIAH 37:20

Cucaah Bawipa kan Pathian, kannih cu Assiria mi hna kut chungin kan khamh ko sawh; cuticun vawlei cung miphun vialte nih nangmah lawnglawng Pathian na si kha an hngalh lai,” a ti.

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.