SALM 7:16 - Lai (Hakha) Common Language Bible 2006

¹⁶ Cuticun amah ṭhat lonak lila nih khan harnak a pek i amah puarhrannak lila nih khan fahnak a pek.

Laibaibal Thiang (BSI)

¹⁶ A tuahmi buainâk kha amah lu cungah a kir ṭhân lai, cun a chuahtermi zangennâk kha amah lu cungah a phân lai.

SALM 7:16 ပူးပေါင်းရင်းမြစ်များ

1 SIANGPAHRANG 2:32

Ka pa David hngalh loin amah nakin a ṭha deuhmi le a ding deuhmi pahnih, Ner fapa Abner, Israel mi ralkapbu haotu le Jether fapa Amasa, Judah mi ralkapbu haotu kha vainam in a tuk hna i a thah hna caah thisen chuah in a tuahmi thil hna cu Bawipa nih amah lu cung lila ah a kirter ṭhan lai.

1 SIANGPAHRANG 21:19

Cun amah cu na thawh lai i, ‘Hi bangin Bawipa nih, “Na thah cang i a ro zong na co cang maw?” a ti,” na ti lai. Cun nangmah nih amah cu na thawh lai i, ‘Bawipa nih hi bangin: “Uico nih Naboth thi an liahnak hmun ah khan uico nih nangmah na thi an liah lai,” a ti,’ tiah na chimh lai,” tiah a ti.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

ESTHER 9:25

sihmanhsehlaw Esther cu siangpahrang hmaiah a rat tikah, Judah mi hna cung i ṭhat lonak khua a khan mi kha amah lu cungah tla in amah le a fapa hna cu thlainak ah thlai an si nakhnga, caṭial in nawlbia kha a chuah.

JOB 4:8

Keimah ka hmuhning ah cun ṭhat lonak lei a thuangtu hna le Harnak a tuhtu hna nih cun, cu ṭhiamṭhiam cu an zun tawn.

SALM 141:10

Miṭhalo cu anmah rap lila ah khan i foih hna seh, kei bel harnak zeihmanh tong loin kal ko ning.

SALM 35:8

Asinain anmah nih an hngalh hlanah rawhnak nih a phanh hna lai i anmah chiahmi rap ah khan an i foih lai, anmah cawhmi khor ah khan an tla lai.

SALM 36:12

Miṭhalo an rilhnak kha zohhmanh! Khika ah khin an ril, an tho kho ti lo.

SALM 36:4

Ihkhun cung i a zau lio hmanh ah thil ṭha lo lawng kha a tuak, a tuahmi kha thil ṭha a um lo i thil ṭha lo kha a hua hna lo.

SALM 57:7

Ka lung a hmun ko, maw Pathian, ka lung a fek ko; nangmah thangṭhatnak hla ka sa lai.

SALM 9:16

Ding tein bia a ceihnak ah khan Bawipa cu amah le amah aa phuang i miṭhalo hna cu anmah tuahnak lila ah khan an i foih. Higgaion. Selah

PHUNGTHLÛKBIA 1:19

Zaang-ennak in miaknak hmuh a duhmi hna lam cu hi bantuk hi a si. Hakkauhnak nih an nunnak kha a hloh tawn.

PHUNGTHLÛKBIA 26:27

Midang tlaknak caah khor a comi cu cuka ah cun amah a tla lai. Midang nenhnak caah lung a hriltu cu lung nih cun amah cu a nenh lai.

PHUNGCHIMTU 10:8

Khor a comi cu a chungah amah a tla lai, Kulhnak vampang a pemmi cu rul nih a cuk lai.

1 SAMUEL 23:9

David nih Saul nih ka cungah ṭhat lonak kha tuah awkah khua a khaan ti kha a hngalh; cun tlangbawi Abiathar sinah khan, “Hika ah hin tlangbawi angki kha rak pu tuah,” tiah a ti.

1 SAMUEL 26:10

Cun David nih, “Bawipa nih a nun bangin, Bawipa nih a thah te ko lai; a si lo ah a thih ni cu a phan te ko lai; a si lo ah raltuknak hmun ah a kal lai i a lo tlau te ko lai.

1 SAMUEL 28:19

Cu hleiah Bawipa nih Filistin mi hna kut chungah Israel mi hna zong kha nangmah he a chanh hna lai i thaizing ah nangmah le na fapa hna cu keimah sinah nan um lai; Bawipa nih Israel ralkapbu zong kha Filistin mi hna kut chungah a chanh lai,” tiah a ti.