SALM 7:10 - Lai (Hakha) Common Language Bible 2006

¹⁰ A ka hupphengtu cu Pathian a si, amah nawl a ngaimi cu a khamh hna.

Laibaibal Thiang (BSI)

¹⁰ Kâ kilvennâk cu lungput i a dingmi khamhtu Pathian ta a si.

SALM 7:10 ပူးပေါင်းရင်းမြစ်များ

GENESIS 15:1

Cu hnuah cun Abram nih langhnak a hmuh i Bawipa bia kha a theih. Bawipa nih cun a thawh i, “Abram, na thinphang hlah. Keimah cu phaw bantukin an hupphengtu ka si. Na laksawng cu a nganpi a si lai,” a ti.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

2 CHANRELNAK 6:30

khi tikah nang nih na umnak van khin rak theihpiak hna law, ngaithiam hna law, an zulhmi lam vialte ning cio ah an lungthin nangmah nih na hngalh komi hna cu pe ko hna, zeitintiah nangmah lawnglawng nih minung fa hna an lung cu na hngalh;

JOB 8:6

Nangmah cu na thian i na din ahcun, Na caah aa hlau hrimhrim lai i a dingmi naa tinhnak cu a tlinter lai.

SALM 112:2

Cu bantuk mi hna fale cu ram chungah hin miṭhawng an si lai, miṭha mi hna fale cu thluachuah hmumi an si lai.

SALM 125:4

Bawipa, ṭhatnak a tuahmi hna cungah ṭhatnak tuah ve ko, na nawl a ngaimi hna cungah ṭhatnak tuah ko.

SALM 3:3

Sihmanhsehlaw Bawipa, nangmah nih phaw bantukin na ka huhphenh zungzal i teinak kha na ka pek i ka lung na ka ṭhawnter ṭhan.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

SALM 89:18

cu ti kan hmuhnak cu a kan hupphengtu kha nangmah thimmi a si caah a si; nangmah Israel Mi Thiang nih kan siangpahrang cu na kan pek.

PHUNGTHLÛKBIA 11:20

Lungthin ṭhalo a ngeimi cu Bawipa nih a huat hna, sihmanhsehlaw dinnak a tuahmi cu a lawmh hna.

PHUNGTHLÛKBIA 2:21

Zeicahtiah miding mi hna cu hi ram chungah hin khua an sa kho lai i ding tein khua a sami hna cu hi ram chungah hin an um lai.

PHUNGTHLÛKBIA 28:18

Ningcang tein khua a sami cu him tein an um lai, sihmanhsehlaw ningcang loin khua a sami cu lam khatkhat in a sung ṭhiamṭhiam lai.

JEREMIAH 11:20

Maw Ralkapbu Bawipa, ding tein bia a ceih i Minung lungchung le ruahnak a hneksak dihtu, Ka cung bia hi nangmah kan pek, Phu na hlam hnanak cu ka hmuhter ko.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.