SALM 69:21 - Lai (Hakha) Common Language Bible 2006

²¹ Ka rawl a ṭam tikah sivai tu an ka pek, ka ti a hal tikah ti thor an ka dinh.

Laibaibal Thiang (BSI)

²¹ Ka ei awkah a khâmi anka pêk i ka ti a hâl tik ah misur thor an ka pêk.

SALM 69:21 ပူးပေါင်းရင်းမြစ်များ

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

JEREMIAH 23:15

Cucaah profet hna kong ah Ralkapbu Bawipa nih, “Annih cu ei awkah anfangkha ka pek hna lai i Din awkah a khami sivai ka pek hna lai; Zeicahtiah Jerusalem profet hna sinin ram dihlak ah Pathian zeirellonak kha a karh cang,” tiah a ti.

JEREMIAH 8:14

Zeicahdah nan ṭhut sawhsawh ko? Hmunkhatte ah nan dihlak in tho tuah u, Kulhnak hau a ngei mi kan khua hna ah khan va kal u si law Khika ah khan va thi dih hna u sih; Zeicahtiah Bawipa cungah kan sual caah, Bawipa kan Pathian nih hrawh awkah a kan ruah cang i Sivai paihmi ti kha din awkah a kan pek cang.

JEREMIAH 9:15

Cucaah Ralkapbu Bawipa keimah Israel Pathian nih ka tuah laimi kha ngai hmanh. Ka mi hna hi ei awkah anfangkha ka pek hna lai i din awkah sivai cawhmi ti kha ka pek hna lai.

ṬAHNAK HLA 1:2

Zan ah lunghno in a ṭap, A bel ah a mitthli a luang; Amah a dawtu hna lakah khan A hnemtu pakhat hmanh an um lo; A hawi vialte cu rawitu ah an cang dih i a ral ah an i cang dih.

ṬAHNAK HLA 1:9

A hni ah thurhnawmhnak cu aa beh i Hmailei a sicannak ding kha a ruat lo. A tluknak cu zumh khawh lo tiangin a si i Amah hnemtu ah ahohmanh an um lo. Bawipa, a harnak hi nangmah nih run zohpiak law, Zeitindah a ral nih an tei kha run hmuhpiak ko.

MATTHAI 27:34

mitsur hang, hnitkha he cawhmi, kha an pek; a vun teh i a ding duh lo.

MATTHAI 27:48

Pakhatpa cu khulrang in a va tli i puanchia kha aa lak i mitsur hang ah a hnim i fung par ah a ṭemh i dawpter a hun zalh.

MARKA 15:23

Mitsur zu, Mura an timi he an cawhmi kha an hun tuh i a ding duh lo.

MARKA 15:36

Pakhat pa cu a va tli i puanchia kha mitsur zu thor chungah khan a hnim i fung par ah a ṭemh i Jesuh cu a hmur ah khan a hun tuh. “Amah kha vailamtahnak cungin ṭhumh awkah Elijah kha a rung ṭum hnga maw, zoh hnik u sih,” tiah a ti.

LUKA 23:36

Ralkap pawl zong nih khan an nihsawh i an hun hnawh i mitsur hang thor kha an pek i,

DEUTERONOMI 29:18

Nannih lakah mipa siseh, minu siseh, innchungkhar siseh, miphun siseh, Bawipa kan Pathian sinin nihin ah a lung a mer i khi miphun hna pathian hna biak awkah a kal i nannih lakah sivai ngei le a khami thei a tlaimi hram nan um sual nakhnga lo, i ralring tuah u.