SALM 69:13 - Lai (Hakha) Common Language Bible 2006

¹³ Asinain kei cu na sinah thla ka cam ko lai, Maw Bawipa; a nganmi na dawtnak ruangah ka let law, kan khamh lai tiah na ka kammi ruangah ka let ko sawh, na duh tik caan ah nangmah nih ka let ko, Maw Pathian.

Laibaibal Thiang (BSI)

¹³ Keitu cu nangmah sinah thla ka cam peng ko lai. Maw BAWIPA, hi duh anungmi cân hin, Maw Pathian, a nganmi na vêl thawngin, hngatchan awktlâk na khamhnâk in runka let ko sawh.

SALM 69:13 ပူးပေါင်းရင်းမြစ်များ

GENESIS 24:27

Cun aa thawh i, “Ka bawipa Abraham i a Pathian, ka bawipa sin i a biakam let lo tein a ummi cu thangṭhat si ko seh. Bawipa nih ka bawipa i a unau inn ah ding tein a ka hruai ko,” tiah a ti.

ESTHER 5:2

cun siangpahrang nih Siangpahrangnu Esther cu tual i a dir kha a hei hmuh tikah, Esther cu mithmai ṭha a pek i a kut in aa putmi sui bawifung kha amah leiah cun a hlerpiak. Cun Esther nih khan a hei naih i bawifung parte cu a va tongh.

ESTHER 5:6

Cun annih nih zu kha an din lioah siangpahrang nih Esther cu a thawh i, “Zeidah hal na ka duhmi a si? Kan pek lai. Zeidah nawl na ka duhmi a si? Ka ram hnarcheu tiang a si hmanh ah tlinter a si lai,” tiah ti.

ESTHER 7:2

Cun a ni hnihnak ni, zu an din lioah khin, siangpahrang nih Esther cu a thawh ṭhan i, “Na ka hal duhmi cu zeidah a si, Esther Siangpahrang Bawinu? Pek na si ko lai. Ka ram hnarcheu tiang a si hmanh ah tlinter a si ko lai,” tiah a ti.

SALM 32:6

Cucaah zumhawktlak a simi vialte hna nih cun, herhnak caan an ton tikah na sinah thla an cam awk a si; tilian a tlun tikah a phan hna lai lo.

SALM 51:1

Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna.

SALM 91:15

An ka auh tikah ka leh hna lai i harnak an in tikah ka umpi hna lai. Ka chuah hna lai i ka upat hna lai.

SALM 98:3

Israel mi bia a kamhmi hna kha a zulh i an cungah a fekmi dawtnak a ngei i zumhawktlak in a um. Kan Pathian nih ral a teinak kha mi vialte nih khuazakip ah an hmuh.

ISAIAH 49:8

Bawipa nih a mi cu a thawh hna i “Nanmah khamhnak caan kha a phak tikah, kan dawt hnanak kha ka langhter lai i bawmhnak nan ka hal i nan aunak kha kan leh hna lai. Nanmah cu kan ven kan huhphenh hna lai i nanmah thawngin mi vialte he biakamnak ka ser lai. Atu lio i a rawk dihmi nan ram ah khan kan umter ṭhan hna lai.

ISAIAH 55:6

Atu cu Bawipa kha kan naih ah a um caah amah leiah cun i mer u law amah sinah cun thla cam u.

ṬAHNAK HLA 3:63

Annih nih an ṭhut ah siseh, an dir ah siseh, zeitindah an ka thangchiat cu zoh tuah.

MIKAH 7:20

Kan pupa hna sinah chiatser in bia na rak kam cang bantuk khan, Na mi Israel mi kan cungah hin zumhawktlak na sinak kha na langhter lai i kannih Abraham tefa hna hi aa thleng lomi na dawtnak kha na kan hmuhter lai.

LUKA 1:72

Kan pupa hna cu, nan cungah zaangfahnak ka ngei lai, a ti hna i a thiangmi a biakamnak kha ka philh lo,’ tiah a ti hna.

LUKA 22:44

Lungthin fak ngaingai in fak chinchin in thla a cam i a thlan cu vawlei ah thi dor bantukin a tla.)

2 KORIN 6:2

Pathian nih, “Nanmah cu zaangfah kan duh hna caah kha caan ah khan nan bia cu ka rak in theihpiak hna i Khamh kan duh hna caah kha ni ah khan ka rak in bawmh hna,” tiah a rak chim. Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si!

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.

1 SAMUEL 25:8

Na tlangval kha hal hna law an in chimh ko lai. Cucaah puai ni i kan rat caah hin ka tlangval hna hi na hmaiah mithmai ṭha hmuhter ko hna. Na sal hna le na fapa David hi na ngeihmi paoh rak kan pe ko sawh, a ti,’ tiah nan va ti lai,” tiah a ti.