SALM 68:9 - Lai (Hakha) Common Language Bible 2006

⁹ Ruah tampi in na surter i a fe cangmi na ram kha na ṭhatter ṭhan.

Laibaibal Thiang (BSI)

⁹ Maw Pathian, nangmah nih ruah tampi na surter, cunihcun na ro comi, ramcar kha hring dildel in a umter.

SALM 68:9 ပူးပေါင်းရင်းမြစ်များ

1 SIANGPAHRANG 19:11

Cun anih nih a thawh i, “Chuak tuah, Pathian hmaiah tlang cungah va dir tuah,” tiah a ti. Cun Bawipa cu a lan i a thlichia a hrang ciammam i tlang cu a cheu i Bawipa hmaiah cun lung hna cu a khuai cikcek hna, sihmanhsehlaw Bawipa cu thli chungah cun a um lo; cun thli a hran dih cun li a hnin, sihmanhsehlaw Bawipa cu lihnin chung zongah cun a um lo;

EXODUS 19:18

Bawipa cu Sinai Tlang cungah khan mei in a rung ṭum caah Sinai Tlang cu a dihlak in meikhu nih a zelh. Meikhu cu meiphu meikhu bantuk khin a kai hluahmah i mi zapi cu an dihlak in a ther in an ther.

EZEKIEL 34:26

Ka tlang pawngah khan ka umter hna lai i a caan te ah ruah, thluachuahnak ruah kha ka pek hna lai.

DEUTERONOMI 11:14

nannih nih nan rawl le nan mitsur hang le nan chiti kha nan pumhkhawmh khawh hna nakhnga, nan ram caah ruah cu anmah caan te cio ah, tuan deuh ruah le tlai deuh ruah hna cu, an pek hna lai.

BIACEIHTU 5:4

“Bawipa nangmah nih Seir in na kal tikah, Edom ram in na kal tikah, Vawlei cu aa hnin i van cu an zut, Asi, khuadawm nih ruah an surter hna.

BIACEIHTU 5:5

Bawipa hmaiah tlang hna cu an i hnin, Bawipa, Israel Pathian, hmaiah cun khi Sinai tlang cu aa hnin.