SALM 68:2 - Lai (Hakha) Common Language Bible 2006

² Meikhu kha thli nih a choih bantukin a choih dih hna lai, khuailul kha mei nih a emh tikah a tit bantukin miṭhalo cu Pathian hmaika ah an rawk lai.

Laibaibal Thiang (BSI)

² Mei khu cu choihdih an si bangin, cu hna cu choihdih si ko hna seh; mei linhnâk ah sathau a tit bantukin, misuaksual kha Pathian hmaiah lo tlau dih hna seh.

SALM 68:2 ပူးပေါင်းရင်းမြစ်များ

2 SAMUEL 10:13

Cucaah Joab le a sin i a ummi hna nih cun i tuk awkah Siria mi cu an hei fuh hna i an hmaiah cun an zam.

2 SAMUEL 10:18

Cun Siria mi cu Israel mi hna hmai in an zaam i David nih mi chungin rangleng za sarih aa citmi hna le rangcung ralkap sang li kha a thah hna i an ralkapbu ralbawi Shobak kha a hliam i cucaah cun khika ah a thi.

SALM 22:14

Ka thazang a dih cang, vawlei i thletmi ti bantukin a dih cang. Ka ruh vialte kha ka hliahhlok in an pong dih, ka lung cu ka chungah a timi khuailul bantuk a si.

SALM 37:20

Sihmanhsehlaw miṭhalo cu an thi lai; Bawipa ral cu ramlak pangpar bantuk in an lo lai; meikhu bantukin an ṭian lai.

SALM 76:7

Sihmanhsehlaw nangmah cu mi nih an in ṭih hringhran ko! Na thin a hun ahcun ahodah na hmaiah a dir ngam lai?

SALM 80:16

Kan ral nih mei in an khangh i an sam dih; na thinhun in zoh hna law hrawk hna.

SALM 97:5

Bawipa hmaiah tlang cu khuaiseng bantukin an ti. vawlei cung dihlak Bawipa hmaiah cun khuaiseng bantukin an ti.

ISAIAH 33:3

Nangmah nih ral na kan tukpiak tikah, miphun hna cu cu raltuknak thawngpang ah cun an zam dih.

ISAIAH 64:2

Mei lin chungah a tlokmi ti bantukin an ther hnga. Ra law na lianhngannak cu na ral hna sinah hin langhter tuah, na hmaiah miphun hna cu a ther in ther hna seh.

ISAIAH 9:18

Hi mi hna ṭhat lonak cu hlingbur le rambur a khangtu mei bantukin a alh. A khu a dir in a dirmi mei, tupi a khangtu mei bantuk a si.

JEREMIAH 46:15

Zeicahdah Apis cu a zam? Zeicahdah nangmah an cawmtu pathian cu fek tein a dir lo? Bawipa nih lengah a nam cang.

HOSEA 13:3

Cucaah cu mi hna cu zinglei minmei bantukin an ṭian lai i, A lo zaumi dap bantukin an lo lai. Annih cu phuhri in thli nih a choihmi capawl bantuk an si lai i, Meikhu chuahnak in a chuakmi meikhu bantuk an si lai.

MIKAH 1:4

Mei nih khuaiseng kha a linh tikah a zor bantukin tlang hna cu amah toiah cun an zor i, Tlang pang ah ti an luan bantuk khin horkuang chungah an vung luang.

NAMBAR 10:35

Cun kuang cu aa thawh fate Moses nih, “Tho tuah, maw Bawipa, na ral kha i ṭhek dih hna seh law, nangmah an huatu hna cu na hmaiah zaam hna seh,” tiah a ti.