SALM 67:4 - Lai (Hakha) Common Language Bible 2006

⁴ Nangmah nih miphun vialte cu dinnak in bia na ceih hna i mi vialte cu na hruai hna caah miphun vialte cu i lawm hna seh law lunglawmhnak in hla sa hna seh.

Laibaibal Thiang (BSI)

⁴ Aw miphun kip cu i lawm hna seh law, lunglawm in hla sa hna seh; zeitintiah mizapi kha ding tein bia na ceih hna i lei cung i miphun kha na uk hna. (Selah)

SALM 67:4 ပူးပေါင်းရင်းမြစ်များ

GENESIS 18:25

A sual lomi cu a sualmi hna sinah khan na that bal hna lai lo. Cucu a si kho lo. Nangmah nih cucu na tuah bal ding a si lo. Cu ti a si ahcun, a sual lomi cu a sualmi bantukin pei dantat an si ve kun hnga cu. Cucu a si kho lo. Vawlei cung dihlak bia a ceihtu Dingthlu Lairel nih cun ding tein pei a ceih lai cu,” a ti.

SALM 2:8

Ka hal law, miphun vialte hi nangmah kan pek dih lai; vawlei hi a dihlak in nangmah ta a si lai.

SALM 82:6

Nannih cu pathian nan si, Cungnung Bik fapa nan si, kan ti hna.

SALM 9:8

Dinnak in vawlei kha a uk i biading in mi kha an bia a ceih hna.

SALM 96:10

Miphun vialte kha, “Bawipa cu siangpahrang a si, Vawlei cu a umnak hmun ah hninh khawh loin fek tein a bunh, mi vialte kha dinnak in bia a ceih hna lai,” tiah chim hna u.

SALM 98:9

zeicahtiah amah cu vawlei uk awkah a ra cang. Vawleicung mi vialte cu dinnak le ruannak in a uk hna lai.

ISAIAH 54:1

Jerusalem, nangmah cu fa a ngei lomi nu bantuk na si. Sihmanhsehlaw atu cu hla na sa kho cang i lunglawm in na au kho cang. A va nih a kaltak bal lomi nu nakin fa tam deuh na ngei cang lai.

ISAIAH 55:4

Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

ISAIAH 60:6

Kalauk bu ngan ngan cu an ra lai, Midian le Efah in an ra lai. Sheba in an ra lai i sui le zihmui kha an rak phorh hna lai. Pathian nih a tuahmi thil kong thawng ṭha kha mi nih an chim lai.

LAMKALTU 17:31

Zeicahtiah a thimmipa thawngin vawlei cung dihlak hi dinnak in biaceih awkah ni a khiah cang. Cucu a si ṭheo lai ti kha mi vialte sin i langhternak caah cu mipa cu thihnak in a thawhter,” tiah a ti.

ROM 2:5

Asinain na lung cu a hak i a ṭhawng. Cucaah Pathian nih a thinhunnak le ding tein bia a ceihnak a phuan ni i na in laimi dantatnak cu na nganter chin men ko.

GALATI 4:27

Zeicahtiah cathiang nih, “Fa a ngei bal lomi nu, i lawm tuah! Naunganfah a ing bal lomi nu, lunglawmhnak in au tuah! Zeicahtiah, kaltakmi nu nih, a va he khua a sa komi nu nakin fa tam deuh a ngeih hna lai,” a ti.

DEUTERONOMI 32:43

“Maw miphun hna, a mi kha thangṭhat hna u, Zeitintiah a sal hna thisen phu kha a hlam i A ral hna kha phu a hlam hna i A mi hna ram caah sual thianhnak a tuah lai,” tiin au u.