SALM 61:7 - Lai (Hakha) Common Language Bible 2006

⁷ Pathian, na hmaika ah cun zungzal in uktu si seh law a fekmi na dawtnak le zumhawktlak na sinak khan amah cu kilveng ko.

Laibaibal Thiang (BSI)

⁷ Pathian hmaiah zungzal in a hmun lai. Aw amah cu himter a si khawh nâkhnga vêl le biatak cu timhlamh piak ko.

SALM 61:7 ပူးပေါင်းရင်းမြစ်များ

GENESIS 24:27

Cun aa thawh i, “Ka bawipa Abraham i a Pathian, ka bawipa sin i a biakam let lo tein a ummi cu thangṭhat si ko seh. Bawipa nih ka bawipa i a unau inn ah ding tein a ka hruai ko,” tiah a ti.

GENESIS 32:10

Na sal ka cung i na zaangfahnak le zumhawktlak na sinak na langhtermi hi a hmu dingah aa tlakmi ka si lo. Jordan tiva kha ka ṭhiangṭhunh he lawng ka rak tan, sihmanhsehlaw atu cu hi bu bu hnih hna he hin ka ra kir.

2 SAMUEL 7:26

cun ‘Ralkapbu Bawipa cu Israel Pathian a si,’ tiin na min cu a zungzal in upat a si lai i, na sal David innchungkhar cu nangmah hmaiah fehter si ko seh.

SALM 21:5

Nangmah nih na bawmh caah a sunparnak cu a ngan, minthannak le lianhngannak na pek,

SALM 40:11

Bawipa, ka cungah na zaangfahnak a dong lai lo ti kha ka hngalh. Na dawtnak le zumhawktlak na sinak nih him tein an ka umter zungzal lai.

SALM 41:12

Ahmaanmi kha ka tuah caah na ka bawmh lai; na hmaika ah a zungzal in na ka umter lai.

SALM 43:3

Na ceunak le na biatak cu run thlah hna law, ka hruai hna seh na tlang thiang Zion ah cun ka kalpi ṭhan hna seh law na umnak na biakinn ah cun ka hruai hna seh.

SALM 57:3

Vancung khin a run ka leh lai i a ka khamh lai; a ka dohtu kha a sunghter hna lai. Pathian nih cun a fekmi a dawtnak le zumhawktlak a sinak kha ka cungah a langhter lai.

PHUNGTHLÛKBIA 20:28

Zumhawktlak sinak le zumhnak ṭha nih siangpahrang cu a kilven i a bawi ṭhutdan cu dinnak nih a dirter.

MIKAH 7:20

Kan pupa hna sinah chiatser in bia na rak kam cang bantuk khan, Na mi Israel mi kan cungah hin zumhawktlak na sinak kha na langhter lai i kannih Abraham tefa hna hi aa thleng lomi na dawtnak kha na kan hmuhter lai.

LUKA 1:33

Jakob tefa hna siangpahrang zungzal in a si lai, a pennak cu zeitikhmanh ah a dong lai lo,” tiah a ti.

HEBRU 9:24

Khrih a luhnak hmun thiang kha minung nih an sermi hmun thiang hi a si lo, a taktak le a ngaingai hna mui le thlam men ah khan si loin vancung hrimhrim ah khan a hung lut i kanmah aiawh in Pathian hmaiah khan, atu tiang hi a chuak lengmang ko.