SALM 61:2 - Lai (Hakha) Common Language Bible 2006

² Inn in hlapi ah ka um i khuaruahhar vansang au in ka umnak hmun hin nangmah cu kan auh.

Laibaibal Thiang (BSI)

² Ka lungthin a bat lio ah, vanhram dengin kan auh lai, keimah nâk a sâng deuhmi lungpi ah ka hruai ko sawh.

SALM 61:2 ပူးပေါင်းရင်းမြစ်များ

SALM 142:3

Ka thlarau kha ka chungah a bat tikah, zeidah ka tuah awk a si kha nangmah nih na hngalh. Ka kalnak lam ah khan ka ral nih rap an ka chiahhnawh.

SALM 143:4

Cucaah ka celh ti lo i ka hnabei a dong.

SALM 17:1

Maw Bawipa, kan nawlnak a dingmi hi ngai tuah, nangmah bawmh hal in ka aunak hi ka theihpiak tuah. Ka chungah hlennak zeihmanh a um lo caah ka thlacamnak cu ka theihpiak ko.

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

SALM 18:46

Bawipa cu a nungmi Pathian a si, ka khamhnak lungpi cu thangṭhat ko u! Pathian cu ka khamhtu a si, a lianhngannak kha thanh tuah u!

SALM 27:5

Harnak caan ah him tein a thla tangah a ka dorter; a biakinn chungah him tein a ka chiah i a sangmi lungpi cungah a ka chuan.

SALM 40:2

Ṭih a nungmi khor chung khan a ka chuah. nawncek khor chung khan a ka chuah Him tein lungpi cungah khan a ka ṭhutter i fek tein a ka umter.

SALM 42:6

Ka lungre a thei, cucaah cun amah cu ka hngalh ṭhan; kaa thuhnak Jordan tiva hrawn, Hermon Tlang le Mizar tlang pawngah amah cu ka hngalh ṭhan lai.

SALM 43:5

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

SALM 55:5

Ka ṭih tuk ah a ther in ka ther i ka luthlung in ka kechik tiang ka ther dih.

SALM 62:2

Amah lawnglawng hi a ka hupphengtu le ka Khamhtu a si, amah cu ka ralhruang a si i ahohmanh nih an ka tei bal lai lo.

SALM 62:6

Amah lawnglawng hi a ka hupphengtu le Khamhtu a si, amah cu ka ralhruang a si i ahohmanh nih an ka tei bal lai lo.

SALM 77:3

Pathian kha ka ruat i ka hram, khua ka ruat i ka lung a dong. Selah

ISAIAH 32:2

Annih cu thlitu a hran tikah dornak le thlichia a hran tikah i thuhnak hmun bantuk an si lai. Annih cu thetse ram i tiva luang bantuk le ramcar i lungpi naidem bantuk an si.

ISAIAH 54:11

Bawipa nih aa thawh i, “Maw Jerusalem, nang cu harnak na ing i bawmtu na ngei lo, ahohmanh hnemtu na ngei lo. Asinain na hram cu lungvar man sung in ka ser ṭhan hna lai.

LUKA 22:44

Lungthin fak ngaingai in fak chinchin in thla a cam i a thlan cu vawlei ah thi dor bantukin a tla.)

DEUTERONOMI 4:29

Sihmanhsehlaw khika ah Bawipa nan Pathian cu nan kawl lai i, nan lung vialte le nan ruahnak vialte in amah kha nan kawl ahcun nan hmuh lai.