SALM 60:4 - Lai (Hakha) Common Language Bible 2006

⁴ Nangmah an ṭihmi hna caah hmelchunhnak na phun, sihmanhsehlaw an i let i an ral hna sin khan an zam ṭhiamṭhiam.

Laibaibal Thiang (BSI)

⁴ Nangmah ṭihtu hna cu puanzar na pêk hna i biatak thawngin zar a si khawh nâkhnga. (Selah)

SALM 60:4 ပူးပေါင်းရင်းမြစ်များ

SALM 20:5

Cun teinak na hmuhmi ruangah khan lunglawm in kan au lai, teinak na hmuhmi cu kan Pathian thangṭhat in kan conglawmh lai Na halmi vialte cu Bawipa nih in pe ko seh.

SALM 45:4

Biatak le biading kha hmunhter awkah na tei tiang lianhngannak in hmailei ah kal tuah. Na ṭhawnnak nih teinak ngan pipi an hmuhpiak lai.

EXODUS 17:15

Moses nih biakṭheng pakhat a ser i a min ah, “Bawipa cu ka hmelchunhnak puanzar a si,” a ti.

SOLOMON HLA 2:4

A ka hruai i mitsur dum chungah, Ka veeng dah ngai mitsir thli tein.

ISAIAH 11:12

Israel mi le Judah mi aa ṭhekmi hna kha vawlei ki li in ka pumh ṭhan hna lai i hmuhsaknak caah Bawipa nih hmelchunhnak pakhat a tar lai.

ISAIAH 13:2

Tlang kawng pakhat par ah raltuknak alan phun tuah! Ralkap cu au hna law, aa porhlawmi khualipi kutka cu tu cang hna u ti hmelchunhnak caah na ban kha hlerpiak hna.

ISAIAH 49:22

Bawipa Pathian nih a mi cu a thawh hna i, “Miphun dang hna cu hmelchunhnak ka pek hna lai i nan fale cu inn ah an ratpi hna lai.

ISAIAH 5:26

Bawipa nih, lamhlapi i a ummi miphun kha, ra u, tiah hmelchunhnak a pek hna. Vanhramdeng in fifik in a kawh hna. An ra cang, khulrang in an ra cang.

ISAIAH 59:19

Nichuahlei in nitlaklei tiang, mi kip nih an ṭih lai i a ṭhawnnak a nganmi kha an hmaizah lai. A hlonh in aa hlonhmi tiva bantukin a ra lai, a ṭhawngmi thlitu bantukin a ra lai.