SALM 6:4 - Lai (Hakha) Common Language Bible 2006

⁴ Maw Bawipa, ka khamh tuah; na ka dawt caah thihnak chungin ka khamh tuah.

Laibaibal Thiang (BSI)

⁴ Maw BAWIPA, rak kir law, ka khamh! Aw na vêl thawngin ka khamh ko sawh!

SALM 6:4 ပူးပေါင်းရင်းမြစ်များ

SALM 116:4

Cu tikah Bawipa cu ka auh i, “Bawipa, ka khamh ko sawh,” tiah ka nawl.

SALM 116:8

Bawipa nih thihnak chungin a ka khamh, ka mitthli kha a ka hnawh i raltuknak ah a ka sunghter lo.

SALM 120:2

Maw Bawipa, lihchim hmangmi hna le hlen hmangmi hna sin hin ka khamh ko.

SALM 121:7

Bawipa nih ṭihnak chungin an huhphenh lai i him tein an chiah lai.

SALM 13:2

Zei can dah fahnak hi ka in lai? Zei can dah ngaihchiatnak in ka lung hi chun he zan he a khah lai? Zei can dah ka ral hi ka cungah a lek in an i lek lai?

SALM 17:13

Maw Bawipa, ra law ka ral hi do hna law tei hna! Miṭhalo hna kut chung hin na vainam in ka chanh tuah,

SALM 22:20

Vainam chungin ka khamh law kha uico hna sin khan ka nunnak cu khamh ko,

SALM 25:7

Ka tlanval lio ka sualnak le ka palhnak kha ka ngaithiam ko hna. A fekmi na dawtnak le na ṭhatnak ruangah keimah cu ka philh hlah, Maw Bawipa.

SALM 69:13

Asinain kei cu na sinah thla ka cam ko lai, Maw Bawipa; a nganmi na dawtnak ruangah ka let law, kan khamh lai tiah na ka kammi ruangah ka let ko sawh, na duh tik caan ah nangmah nih ka let ko, Maw Pathian.

SALM 74:10

Maw Pathian, kan ral nih hin zei can dah an kan nihsawh lai? Na min hi a zungzal in maw an nihsawh ko lai?

SALM 79:5

Bawipa, zei can dah kan cungah na thin a hun lai? Zungzal in maw a hun ko lai? Na thinhunnak cu zungzal in maw mei bantukin a alh ko lai?

SALM 80:14

Maw Lianngan Bik Pathian, kanmah leiah i mer ko! Vancung khin run kan zoh law ra law na mitsur ruang hi rung khamh ko.

SALM 86:13

A fekmi na dawtnak cu zeitluk in dah ka caah a ngan! Thlan tawne in na ka khamh.

SALM 90:13

Bawipa, zei can dah kan cungah lung ṭhul loin na um lai? Na sal hna kan cungah hin zaangfahnak ngei ko.

ISAIAH 38:17

Ka chungvanghnak cu daihnak ah a cang lai. Nangmah nih ka nunnak cu ṭihnung chungin na khamh, ka sualnak vialte kha na ka ngaihthiam.

DANIEL 9:18

Maw Pathian, na hna chi law kan theihpiak law kan zohpiak law kan ṭiaonak le na min a pumi khua cu kan hmuhpiak ko sawh; kannih nih dinnak kan tuahmi thawngin si hin loin nangmah na vel thawng lawngin kan thlacamnak na hmai i kan rak chuahpinak cu a si.

MALAKHI 3:7

Nan pupa chan in nannih cu lampial hmangmi nan si i ka phunglam kha nan zul hna lo. Ka sinah nan ra kir ahcun, nan sinah ka ra kir ve lai, tiah ralkapbu Bawipa nih a ti. Nannih nih nan i thawh i, “Zeitindah kan kir khawh lai?” nan ti.

EFESA 1:6

Pathian cu a sunglawimi a laksawng ruangah hin thangṭhat ko u sih, a dawtmi a Fapa in a kan pekmi a laksawng caah hin thangṭhat ko u sih.