SALM 59:3 - Lai (Hakha) Common Language Bible 2006

³ Zohhmanh, keimah cu thah awkah an ka bawh, keimah doh awkah mipuarhrang pawl cu an i pum.

Laibaibal Thiang (BSI)

³ Zeitintiah zohhhmanh, ka nunnâk lâk duh ah anka bawh, miṭhawng hna cu keimah ralchanh in an i pum, maw BAWIPA, ka sualnâk le nawlbuarnâk ruang zongah a si lo.

SALM 59:3 ပူးပေါင်းရင်းမြစ်များ

SALM 140:2

Ṭhat lonak khua lawng kha an khang zungzal ko, siknak lawng kha an chuahter zungzal ko.

SALM 2:2

An siangpahrang hna le an uktu bawi hna nih Bawipa le Bawipa nih a thimmi siangpahrang doh awk khua an khan.

SALM 38:12

Thah a ka duhmi nih rap an ka chiahhnawh i ka cungah fahnak tlunter a duhmi nih khan, kan in hloh cang lai, tiah an ka tlerh; keimah hrawhnak ding kha chun nitlak in an tim.

SALM 56:6

Mi hmuh lonak hmun ah khan an i thup i ka tuahmi paohpaoh kha an ka ngiat dih, zeitindah kan thah khawh lai ti kha an i ruahchih.

SALM 69:4

Zei ruang lo ah a ka huatu hna cu ka lu cung sam nakin an tam deuh, ka ral an sinak kongah lih a chimmi hna cu an ṭhawng i thah an ka duh. Ka fir lomi thil kha an ka chamter.

PHUNGTHLÛKBIA 12:6

Miṭhalo hna bia nih cun thisen chuah ding kha a bawh, sihmanhsehlaw miṭha hna bia nih cun khamhnak kha a umter.

PHUNGTHLÛKBIA 24:15

Miṭha mi cu a inn ah miṭhalo nih an bawh bangin va bawh hlah, a lo zong kha va chut hlah;

MIKAH 7:2

Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

JOHAN 15:25

Cucu a si awk a si ko, zeicahtiah cuticun pei an Phung chung i, ‘Zei ruang lo ah an ka huat,’ tiah aa ṭialmi kha a tlin khawh ding a si cu.

LAMKALTU 23:21

Sihmanhsehlaw an bia cu ngai hna hlah, zeicahtiah minung sawm li a thli tein amah a bawhmi kha an um. Kan thah hlanah cun rawl zong kan ei lai lo, ti zong kan ding lai lo, tiah chiat an i serh. Cu tuah dingah cun atu ah hin timhcia tein an um ko i nangmah biakhiahnak kha an in hngak ko,” tiah a ti.

1 SAMUEL 19:1

Cun Saul nih a fapa Jonathan le a sinum vialte hna kha, David kha nan thah lai, tiah a chimh hna. Sihmanhsehlaw Saul fapa Jonathan nih David kha a tlaihchan ngaingai.

1 SAMUEL 24:11

Zohhmanh, ka pa, ka kut chung i na puanki par hi zohhmanh; na puanki par ka hlep nain nangmah kan thah lonak ah hin, ka kut chungah ṭhat lonak siseh, rawinak siseh, a um lo ti kha na hngalh lai i na hmuh ko lai. Nangmah nih ka nunnak kha lak awkah na kawl lengmang nain, na cungah ka sual lo.

1 SAMUEL 24:17

David sinah cun, “Nangmah cu keimah nakin na ding deuh, zeitintiah kei nih chiatnak in kan cham zongah nang nih cun ṭhatnak in na ka cham.

1 SAMUEL 26:18

Cun anih nih, “Zeicahdah ka bawipa nih hin a salpa hi a dawi lengmang ko hnga? Zeidah ka tuahmi a um? Zei mawhnak dah ka kut chungah a um?