SALM 57:2 - Lai (Hakha) Common Language Bible 2006

² Cung Nung Bik Pathian cu ka auh, ka herhnak vialte a ka petu Pathian cu ka kawh.

Laibaibal Thiang (BSI)

² Cungnung bik Pathian, zeizongvialte aka tuah piaktu ka Pathian cu ka auh lai.

SALM 57:2 ပူးပေါင်းရင်းမြစ်များ

SALM 138:8

Na ka kamhmi thil vialte kha tlinter ko hna, Bawipa, na dawtnak cu zungzal in a fek ko; na thawk ciami rian cu liim ko.

SALM 143:9

Bawipa, huhphenhnak hmuh duh ah nangmah cu kan fuh; ka ral hna kut chung hin ka chanh ko.

SALM 17:8

A ka dohtu miṭhalo hna sin hin Na mitfang bantukin ka veng law Na thlazung in ka hup tuah. Huatnak in a khatmi ka ral nih khan an ka dum,

SALM 41:5

Ka ral nih an ka congoih. An i thawh i, “Zeitik dah a thih lai i philh a si lai,” an ti.

SALM 56:2

A ka dohtu nih hin chun nitlak in an ka hrem i annih hi an tam hringhran ko.

ISAIAH 26:12

Bawipa, nangmah nih rumnak na kan pek lai; kan tuah khawhmi thil vialte hi nangmah tuahmi lawngte an si dih.

ISAIAH 26:20

Ka mi hna, nan inn chungah lut u law innka i kharkhumh u. Pathian thinhunnak a dih hlantiang, caan tawite chung cu i thup u.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

FILIPI 1:6

Cucaah cun, nan chungah hi rian ṭha a thawktu Pathian nih, Khrih Jesuh Ni ah hi rian cu a lim tiangin, a ṭuan zungzal lai.

FILIPI 2:12

Cucaah ka dawtmi ka hawile hna, nan sin ka um i ka bia nan ngaih zungzal bantuk khan lamhlat i ka um zongah hin ka nawl ngai chinchin ko u ti kan duh hna. Nan khamhnak a tlin khawh nakhnga, ther le phang lengmang in ṭuan ko u.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.