SALM 55:3 - Lai (Hakha) Common Language Bible 2006

³ Ka ral nih an ka tlerhnak le miṭhalo nih an ka hremnak nih ka lungre an ka theihter. Ka cungah harnak an tlunter; ka cungah an thin a hung i an ka huat.

Laibaibal Thiang (BSI)

³ Zeicatiah ralchanhtu hna aw thawng le, misuaksual hna lamhchihnâk ruangah, zeitintiah harnâk kacungah an tlunter i thinhung in anka huat.

SALM 55:3 ပူးပေါင်းရင်းမြစ်များ

2 SAMUEL 15:3

Absalom nih annih cu a thawh tawn hna i, “Zohhmanh, na bia cu a ṭha i a dik ko; sihmanhsehlaw nangmah bia ngaihpiak awkah siangpahrang nih a thiahmi ahohmanh an um lo,” tiah a ti tawn hna.

2 SAMUEL 19:19

siangpahrang sinah cun, “Siangpahrang ka bawipa nih Jerusalem in na chuah ni i na cungah na sal nih zeitindah palhnak ka tuah kha ka bawipa nih ka cungah mawhnak ah ka ruahpiak hlah law a cin zong ka cinkenpiak sawh hlah; siangpahrang nih a lung chungah i chiah sawh hlah seh,

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

SALM 27:12

Lih le hro in a ka tlerh lengmangmi ka ral hna lakah hin ka chia ta hlah.

SALM 35:11

Miṭhalo nih sual an ka phawt i ka hngalh hrimhrim lomi sualnak kha an ka puh.

SALM 54:3

Mi lungpuam hna cu keimah doh awkah an ra, mipuarhrang hna nih thah an ka zalh — Pathian zei i a rel lomi hna nih khan thah an ka zalh.

SALM 71:11

An i thawh i, “Pathian nih a hlawt cang, dawi u sih law tlai u sih; zeicahtiah a chanhtu ding ahohmanh an um lo,” an ti.

SALM 73:8

Midang kha zeihmanh ah an rel hna lo i thil ṭhalo lawng kha an ceih. An ruam a kai i zeitindah midang kha kan hrem khawh hna lai ti lawng kha an ceih.

MATTHAI 26:59

Tlangbawi upa pawl le biaceihtu pawl nih khan an thah khawhnak hnga, an dihlak in a sual an kawl,