SALM 52:8 - Lai (Hakha) Common Language Bible 2006

⁸ Sihmanhsehlaw kei cu Pathian inn pawng i a khomi oliv kung bantuk ka si; a fekmi a dawtnak cu zungzal in kaa bochan zungzal.

Laibaibal Thiang (BSI)

⁸ Kei tu cu Pathian in i Oliv thing a hninghno mi bang khi ka si. Pathian vêl cu zungzal in zungzal tiang kâ bochan lai.

SALM 52:8 ပူးပေါင်းရင်းမြစ်များ

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

SALM 128:3

Na nupi cu na inn chungah a thei a ṭhami mitsur ruang bantuk a si lai, na fapale nih oliv thing tuaino bantukin na cabuai kha an kulh lai.

SALM 13:5

Sihmanhsehlaw a fekmi na dawtnak kha kaa bochan i na ka khamh lai ti ka zumh caah kaa lawm lai.

SALM 147:11

asinain a lung a tongmi cu amah a ṭihmi le a fekmi a dawtnak aa bochanmi kha an si.

SALM 33:18

Bawipa nih amah a ṭihmi cu a zohkhenh hna i a fekmi a dawtnak aa bochanmi cu him tein a umter hna.

SALM 58:11

Mi nih an i thawh lai i, “Miding mi cu laksawng an hmu taktak ko; vawleicung ah hin Dingthlu Lairel Pathian a um taktak ko,” an ti lai.

JEREMIAH 11:16

Hlan ah cun Bawipa nih, ‘Oliv thingkung, a hnah hring dildel tein a um i aa dawhmi,’ tiah a rak in ti. Sihmanhsehlaw atu cu puak cukmak in fahnak na in lai; mei nih na hnah cu a kangh hna lai i na nge cu a hrem dih hna lai.

ROM 11:24

Nannih Jentail mi cu ramlak oliv kung, a nge khiah i cu nge cu a phung a si lo nain cinmi oliv kung i pehmi bantuk cu nan si ahcun a kungpi nge taktak a rak simi peh ṭhan kha cu Pathian caah a fawi deuh ngaingai lai.