SALM 51:18 - Lai (Hakha) Common Language Bible 2006

¹⁸ Maw Pathian, Zion cu zaangfah law bawm tuah; Jerusalem kulhnak vampang cu remh ṭhan hna.

Laibaibal Thiang (BSI)

¹⁸ Na duh ningin Zion cungah thilṭha tuah law, Jerusalem vanpang hna cu dirh ṭhân.

SALM 51:18 ပူးပေါင်းရင်းမြစ်များ

NEHEMIAH 2:17

Annih cu ka thawh hna i, “Zei bantuk harnak chungah dah kan um i zeitindah Jerusalem cu a rawk ningin a um ko i a kutka hna cu an kangh dih ti kha nan hngalh. Kannih nih ningzah hmaichiat kan in ti nakhnga lo, ra u law, Jerusalem kulhnak vampang cu remh hna u sih,” tiah ka ti.

SALM 102:16

Bawipa nih Zion kha a remh ṭhan tikah Bawipa lianhngannak cu a lang lai,

SALM 147:2

Bawipa nih Jerusalem cu a remh ṭhan lai, saltang mi kha a kirpi ṭhan hna lai.

SALM 25:22

Maw Pathian, na mi cu kan harnak chung hin kan khamh ko!

SALM 40:7

cucaah cun, “Hika ah hin ka um ko; keimah cawnpiaknak ding caah na chiahmi cu Nawlbia cauk chungah an um ko.

SALM 69:35

Zion cu a khamh lai i Judah ram chung khua cu a remh ṭhan hna lai; a mi cu cuka ah cun khua an sa lai i ram cu an co lai;

ISAIAH 51:3

“Zion cungah zaangfahnak ka langhter lai, a rawkmi a hmun chung i a ummi hna kha ka zaangfah hna lai. A ram cu thetse ram a si nain dum ah ka ser lai, Eden chung i ka chiahmi dum bantuk ah khan ka ser lai. Cuka ah cun lunglawmhnak le thanuamnak, keimah thangṭhatnak le lawmhnak hla an um lai.

ISAIAH 58:12

Saupi a rawk cangmi nan inn le nan lo kha nan mi nih cun an remh ṭhan hna lai i hmasa a hlun hram ah khan an bunh ṭhan hna lai. A kuaimi thil kha a remh i a rawkmi inn kha a sa ṭhantu, ti nannih cu nan si lai,” a ti hna.

ISAIAH 62:1

Jerusalem cu lung ṭhawnnak pek awkah bia ka chimh lai, khamhnak a hmuh hlantiang le, a teinak zan meifar ceu bantukin a ceu hlantiang ka dai hrimhrim lai lo.

JEREMIAH 51:50

A vainam chungin a luatmi hna, kal u, dir hlah u; Lamhlapi ah um hmanh u law, Bawipa kha ka hngal camcin u, Jerusalem kha nan lungchung in ruat camcin u.

DANIEL 9:25

Cucaah mah hihi thei law hngal tuah: Jerusalem cu hmasa a sining ah khan a siter ṭhan lai i sak a si ṭhan lai ti bia a chuah ri in Pathian chiti thuhmi bawi a chuah tiangah, zarh sarih a rau lai; cun zarh sawm ruk le zarh hnih chung cu hmasa a sining ah khan siter ṭhan a si lai i a khua chung lam hna le tilaknak kahcham hna cu remh ṭhan an si lai.

MIKAH 6:7

Bawipa cu tuukawng a thongthong le chiti a tiva in a luangmi kha pe ning law, cucu maw a duhmi cu a si hnga? Ka tuah sualmi tlanhnak caah ka fapa upa bik cu maw ka pekchanh lai? Ka sualnak caah khan ka fale cu maw amah cu ka pekchanh hna lai?

MIKAH 7:11

Jerusalem mi hna, nan khua ralhau remh ṭhannak caan cu a phan lio cang. Khi caan ah nan ram cu kauh a si lai.

ZEKHARIAH 2:5

Bawipa nih, Keimah cu a velchum in mei vampang ka si lai i a laifang ah a sunparnak ka si lai, a ti, tiah va chim,” tiah a ti.

LUKA 12:32

“Tuurun hmete hna, nan thinphang hlah u! Zeicahtiah nan Pa nih Pennak cu nanmah kha pek an duh hna.

EFESA 1:5

Pathian nih cun kannih cu Jesuh Khrih thawngin a fa i cohlan awk kha a rak timh cangmi le a duhmi a si.

EFESA 1:9

Pathian nih a fimnak le a thil hmuh khawhnak in a rak i timhmi cu a hun tuah i Khrih thawngin tlinter a timhmi a khuakhannak a rak i thupmi kha kannih cu a kan hngalhter cang.

FILIPI 2:13

Pathian tinhmi kha nan zulh khawh nakhnga le cu tuah duhnak lungthin nan ngeih nakhnga, Pathian cu nan chungah rian a ṭuan zungzal ko.

2 THESALON 1:11

Hi ruangah hin nan ca i thla kan cam zungzal cu a si. Pathian nih an kawhnak hna he aa tlakmi nunning in nan nun nakhnga kan Pathian cu kan hal lengmang. Amah nih cun nan duhmi vialte cu ṭhatnak caah tlinter seh law nan zumhnak rianṭuannak cu tlamtlinter ko seh.