SALM 51:16 - Lai (Hakha) Common Language Bible 2006

¹⁶ Raithawinak hi na duhmi an si lo, rak si hna seh law cu ka rak in pek ko hnga; na lawmhmi cu khangh thawinak zong hi a si lo.

Laibaibal Thiang (BSI)

¹⁶ Zeitintiah raithawinâk hi na duhmi a si lo, raksisehlaw kan pêk diam cang hnga; khanghthawinâk zongah nâ lawm bal lo.

SALM 51:16 ပူးပေါင်းရင်းမြစ်များ

2 SAMUEL 12:9

Zeicahdah ka mithmuh i ṭhat lonak tuah awkah Bawipa ka bia cu na zawmhtaih? Hit mi Uriah cu vainam in na tuk i a nupi cu nupi ah naa lak i amah cu Ammon mi hna vainam in na thah.

SALM 40:6

Raithawinak le pekchanhmi thil hi na duhmi an si lo, biakṭheng cungah a pum in khanghmi thawinak sa hi na kan halmi a si lo, kan sualnak thianhnak ca i raithawinak tuah zong hi na kan halmi an si lo, asinain nangmah nih khan na bia kan theih khawh nakhnga ding caah hna tu kha na kan pek i

SALM 50:8

Nan ka pek zungzalmi raithawinak le khanghthawinak ruangah kan sik hna a si lo.

SALM 51:6

Zumhawktlak lungthin hi na duhmi a si, ka lung chung hi na fimnak in khahter ko.

SALM 71:15

Na dinnak kong kha ka chim lai i na khamhnak kha chun nitlak ka thanh lai; na khamhnak cu ka hngalh khawh leng a si nain ka thanh lai.

EXODUS 21:14

Sihmanhsehlaw mi pakhatkhat cu a thin a hun i timh ciammam tein midang pakhat a thah a si ahcun, ka biakṭheng hmanh khan nan hnuh lai i amah cu thah a si lai.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 21:27

Miṭhalo raithawinak cu Bawipa, caah fihnung a si, Tinhmi ṭhalo he a rak put ahcun zeitluk in dik fihnung a si chinchin.

JEREMIAH 7:27

Hi bia hi na chimh hna tikah an in ngai lai lo. Na auh hna zongah an in let lai lo.

HOSEA 6:6

Ka duh bikmi cu fek tein nan ka dawt hi pei a si cu, nan raithawinak hi a si ṭung lo, Ka mi nih nan ka hngalh hi pei a si cu, khanghthawinak nan ka pekchanh hi a si ṭung lo.

NAMBAR 15:27

“Mi pakhatkhat nih hngalh loin a sual sual ahcun, sual thawinak caah meheh a nu kum khat a timi a pekchanh lai.

NAMBAR 35:31

Cu hleiah thih awk a tlakmi lainawngtu caah cun tlanh man zeihmanh nan cohlang lai lo; amah cu thah awk a si ko.

DEUTERONOMI 22:22

“Mipa pakhatkhat nih midang nupi a ihpi kha hmuh a si ahcun, an pahnih in, minu a ihpitu cu le minu cu, an thi lai; cuticun Israel chungin ṭhat lonak cu nan thianh lai.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.