SALM 5:9 - Lai (Hakha) Common Language Bible 2006

⁹ Ka ral nih an chimmi bia cu zeitikhmanh ah zumh khawhmi bia an si lo, Zeicahtiah annih cu mi hrawh lawnglawng kha an duh; an kaa cu chilh lomi thlan bantuk a si i an bia cu hlennak bia le nal bia lawnglawng an si.

Laibaibal Thiang (BSI)

⁹ Zeitintiah ankâ ah zumhtlâksinâk a um lo; an chunglei cu rawhnâk a si; an hrom cu onmi thlân a si; anlei lawngin mi an thangṭhat.

SALM 5:9 ပူးပေါင်းရင်းမြစ်များ

EZRA 8:21

Cun kan Pathian sinin kanmah ca le kan fale hna ca le kan thilri vialte ca i lam ding kawl awkah amah hmaiah cun kan lung kan i ṭhumh khawh nakhnga Ahava tiva ah cun rawl ulhnak kan thanh.

SALM 27:11

Maw Bawipa, ka ral an um caah hin, a himmi lam in ka kalpi law na duhnak kha ka cawnpiak ko.

SALM 51:6

Zumhawktlak lungthin hi na duhmi a si, ka lung chung hi na fimnak in khahter ko.

SALM 52:2

Midang hrawhnak ding caah khua na khang lengmang, na lei cu a harmi nam bantuk a si, lih lawng kha na chim ṭualmal ko.

SALM 62:4

Nan duhmi cu upatnak hmun i a ṭhutnak khan ṭhumh hi a si ko i lihchim zong hi nan duh hringhranmi a si fawn. Nan kaa cun thluachuahnak bia nan chim, sihmanhsehlaw nan lungchung cun chiat nan serh.

SALM 62:9

Mi vialte hi thaw bantuk menmen an si, a thi khomi minung hi zeihmanh an man lo. Cuaithlainak cungah chia hna u law zeihmanh an tlai lai lo, thaw nak hmanh in an zaang deuh.

SALM 64:6

Ṭhatlo tuahnak ding khua cu an khan i “Ṭhatlo tuahnak ding khua kan khanmi cu a ṭha tuk,” an ti. Minung lungthin le ruahnak hi khuaruahharmi thil thuk a si hrimhrim ko.

SALM 69:19

Zeitluk in dah an ka nihsawh i hmaichiatnak le ningzahnak ka huah kha na hngalh; ka ral cu na hmuh dih ko hna.

PHUNGTHLÛKBIA 29:5

A innpa a fakmi cu a ke caah sur rap a chiahpiak a si.

ISAIAH 26:7

Bawipa, miṭha cu an lam na sialpiak hna i an zulhmi lam cu na pheiter.

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

MIKAH 6:12

Khuapi chung i mirum mi nih khan sifakmi kha an hrem hna, Cu hna cu mihrokhrawl lawngte an si dih.

LUKA 11:39

Cucaah Bawipa nih cun amah cu a thawh i, “Nannih Farasi mi nih kheng le hrai kha a lenglei cu nan ṭawl tawn hna, sihmanhsehlaw a chunglei ah cun hakkauhnak le ṭhat lonak in nan khat.

LUKA 11:44

Nan caah ṭihnung a va si dah. Nannih cu hmelchunhnak tuah lomi thlan, a cung i mi nih hngalh loin an kal tawnnak bantuk cu nan si,” a ti.

ROM 3:13

An kaa cu khar lomi thlan bantuk a si, An hmur in thihnak bia, rul sivai bantuk kha cat loin a chuak;

1THESALON 2:5

Kan hmanmi bia kha nanmah nih nan hngalh bantukin, mi hei faknak bia men an si lo i Pathian zong nih a hngalh bantukin duhfahnak lungthin khuhnak bia men an si lo.