SALM 5:7 - Lai (Hakha) Common Language Bible 2006

⁷ Sihmanhsehlaw kei cu na dawtnak a nganmi thawngin na inn chungah ka ra lut kho; a thiangmi na biakinn chungah nangmah kan bia kho i na hmaiah ka kun kho.

Laibaibal Thiang (BSI)

⁷ Asinain kei tu cu, a tammi na vêl thawngin na inah ka ra lai. Nangmah ṭih buin a thiangmi na ṭempal lei hoih in kan biak lai.

SALM 5:7 ပူးပေါင်းရင်းမြစ်များ

1 SIANGPAHRANG 8:35

“Cun nangmah cung i an sual ruangah van cu a pih i ruah a sur lo tikah, hi hmun lei hoih in thla an cam i na min kha an upat i nangmah nih na hrem hna tikah, an sualnak kha an mertak ahcun,

1 SIANGPAHRANG 8:38

Israel mi nih an dihlak in siseh, ahopaoh nih siseh, zei bantuk thlacamnak zong si ko seh, zei bantuk nawlnak zong si ko seh, an tuah i an lung chung cio in hremnak an inmi kha an hngalh i hi inn leiah hin an kut an zau hna ahcun,

SALM 101:7

Ka inn chungah mi thangchiat hmangmi kha ahohmanh an um kho lai lo, ka hmuh khawhnak hmun ah mi lihchim hmang cu an dir kho lai lo.

SALM 130:4

Sihmanhsehlaw nangmah nih kan sualnak cu na kan ngaihthiam, cucaah nangmah cu kan in hmaizah.

SALM 132:7

“Bawipa inn ah khan kal u sih, a bawiṭhutdan hmaiah khan amah cu bia u sih,” kan ti.

SALM 138:2

Na biakinn thiang hmaiah ka kun i na min kha ka thangṭhat, zeicahtiah na dawtnak cu a fek i zumhawktlak na si, nangmah le na nawlbia cu a sang bik nan si kha na langhter.

SALM 28:2

Nangmah bawmhhal awkah ka au i na biakinn thiang lei hoih in ka kut ka hler tikah ka aunak kha ka theihpiak tuah.

SALM 34:17

Miding mi nih cun Bawipa kha an auh i an bia kha a ngaihpiak hna, an harnak chungin a chuah hna.

SALM 51:1

Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna.

SALM 52:8

Sihmanhsehlaw kei cu Pathian inn pawng i a khomi oliv kung bantuk ka si; a fekmi a dawtnak cu zungzal in kaa bochan zungzal.

SALM 55:16

Sihmanhsehlaw Bawipa Pathian cu ka bawm tuah tiah ka auh i a ka khamh lai.

SALM 69:13

Asinain kei cu na sinah thla ka cam ko lai, Maw Bawipa; a nganmi na dawtnak ruangah ka let law, kan khamh lai tiah na ka kammi ruangah ka let ko sawh, na duh tik caan ah nangmah nih ka let ko, Maw Pathian.

SALM 69:16

Maw Bawipa, a fekmi na dawtnak ṭhatnak thawngin ka thlacamnak cu ka let law, zawnruahnak ngan na ngeihmi thawngin keimah leiah i mer ko.

PHUNGTHLÛKBIA 6:16

Bawipa nih a huatmi thil paruk a um, A fihmi thil pasarih an um:

PHUNGTHLÛKBIA 6:17

Porhlawtnak mit, lihchim hmangmi lei, a sual lomi thisen chuahtu kut,

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

ISAIAH 64:11

Kan pu le kan pa hna nih an in thangṭhatnak hmun, hmun dawh le hmun thiang, kan Biakinn cu mei nih a hrawh cang, a nuammi kan hmun cu an rawk dih cang.

DANIEL 6:10

Daniel nih cu nawlbia cu chuah a si cang ti a theih tikah a inn ah a lawi. A inn khaan cung dot ah khan Jerusalem lei hoih in thlalangawng pathum an um. Khika ah khan a tuah tawn phung a si zungzal bantukin a khuk aa bil i ni khat ah voi thum lengmang thla a cam i a Pathian kha a thangṭhat.

HOSEA 3:5

Sihmanhsehlaw cu hnuah cun Bawipa an Pathian le David an siangpahrang kha an kawl ṭhan hna lai i Caan donghnak ah cun Bawipa leiah khan a ṭhatnak ruangah ṭihzah ngaiin an i mer ṭhan lai,” ka ti.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

HEBRU 4:16

Cucaah cun ralṭhat in hmaiah fong u sih law, vel a umnak Pathian bawiṭhutdan cu fuh u sih. Khika ah kan herh lio caan te ah Pathian zaangfahnak le vel cu kan hmuh lai.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti