SALM 5:5 - Lai (Hakha) Common Language Bible 2006

⁵ Miporhlaw cu na ing kho hna lo i miṭhalo cu na huat hna.

Laibaibal Thiang (BSI)

⁵ Na mithmuh ah miporhlaw an dir kho lai lo; sualpalhnâk tuahtu vialte kha na huat hna.

SALM 5:5 ပူးပေါင်းရင်းမြစ်များ

SALM 1:5

Cucaah miṭhalo hna cu Pathian nih sual a phawt hna lai, misual mi cu miding mi bu chungah an i tel kho lai lo.

SALM 10:3

Miṭhalo nih a duhnak ṭhalo kha aa porhlaw i hakkaumi nih Bawipa kha a vawlhpamh i a hlawt.

SALM 11:5

Miṭha zong, miṭhalo zong ṭha tein a dothlat hna; zaang-ennak a duhmi kha a thinlung dihlak in a huat hna.

SALM 130:3

Kan sualnak kha cazin chungah na kan khumhpiak ahcun ahodah sual phawtnak cu a luat khomi a um lai?

SALM 14:1

Mihrut nih cun an i thawh i, “Pathian a um lo,” an ti. An dihlak in an thu, thil ṭhalo kha an tuah; ahmaanmi thil a tuahmi ahohmanh an um lo.

SALM 73:3

zeicahtiah miṭhalo hna an huncho kha ka hmuh i an i porhlawt kha ka theih tikah cu nih cun ka nah a ka chuahter.

SALM 75:4

Miruamkai kha i porhlaw hlah u ka ti hna i miṭhalo kha nan lung puam hlah u, ka ti hna;

SALM 92:6

Mihrut nih an hngalh khawh lo i lungtlawmmi nih an theihthiam khawh lomi cu,

SALM 94:8

Ka mi hna, zeitindah cu tluk cun nan hruh khawh? Zeitik ah dah nan hngalh khawh te lai?

PHUNGTHLÛKBIA 1:22

“Zei can dah maw mihrut rual hna, hruh kha nan duh rih ko lai? Zei can dah, mi nihsawh hmangmi hna, mi nihsawh kha a nuam nan ti lai i mihrut nih fimnak kha nan huat lai?

PHUNGTHLÛKBIA 1:7

Bawipa ṭih hi hngalhnak hramthawknak a si; Sihmanhsehlaw mihrut nih cun fimnak le cawnpiaknak kha zei ah an rel lo.

PHUNGTHLÛKBIA 15:9

Miṭhalo hna ziaza cu Bawipa caah fihnung a si, sihmanhsehlaw dinnak a kawlmi kha a dawt hna.

PHUNGTHLÛKBIA 8:5

Maw mihrut rual hna, fimnak cawng tuah u; maw lungtlawmmi hna, ṭha tein ngai tuah u.

PHUNGCHIMTU 5:4

Cucaah Pathian sin i bia kamnak na tuah tikah khulrang in cucu zul ko. Pathian nih mihrut cu zeihmanh ah a herh hna lo. Ka tuah lai tiah naa kammi kha va tuah ko.

HOSEA 9:15

Ṭhat lonak an tuahmi vialte kha Gilgal in aa thawk, Huat hram ka thawh hnanak cu khika khan a si. Ṭhat lonak an tuahmi ruangah khan ka ram chungin ka dawi hna lai. Annih cu ka daw ti hna lai lo, an hruaitu hna nih an dihlak in an ka ral.

LEVITIKAS 20:23

Nan hmaiah ka dawimi miphun i an phung kha nan zul hna lai lo; zeitintiah mah cu thil hna cu an tuah caah ka huat hna.

HABAKKUK 1:13

Ṭhat lonak kha zoh awkah na mit cu a thiang tuk i minung nih fahnak an in tikah na zoh sawhsawh kho hna lo. A si kun ahcun, zeicahdah mi cu pakhat le pakhat an i rawi lengmang lengmang tikah na zoh sawhsawh ko hna i Zeicahdah a ṭha lomi hna nih anmah nakin a ding deuhmi kha an thah len ko hna tikah hin dai tein na um ziar ko?

ZEKHARIAH 11:8

Thla khat chungah tuukhal pathum cu ka hlawt hna, zeicahtiah an cungah ka lung a sau kho ti lo i annih nih an ka huat.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

MATTHAI 7:23

Khi tikah annih cu ka thawh hna lai i, ‘Nannih cu aho nan si kha kan hngal bal hna lo. Kal ko u, ṭhat lonak a tuahtu hna,’ tiah ka ti hna lai.