SALM 5:4 - Lai (Hakha) Common Language Bible 2006

⁴ Nang cu ṭhat lonak tuahnak ah aa lawmmi Pathian na si lo i na hmaika ah ṭhat lonak umter kha na duh lo.

Laibaibal Thiang (BSI)

⁴ Zeitintiah nang cu suahsualnâk ah â lawmmi Pathian na si lo, Ṭhatlonâk zong na sinah a um lai lo.

SALM 5:4 ပူးပေါင်းရင်းမြစ်များ

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

SALM 101:7

Ka inn chungah mi thangchiat hmangmi kha ahohmanh an um kho lai lo, ka hmuh khawhnak hmun ah mi lihchim hmang cu an dir kho lai lo.

SALM 11:5

Miṭha zong, miṭhalo zong ṭha tein a dothlat hna; zaang-ennak a duhmi kha a thinlung dihlak in a huat hna.

SALM 140:13

Miding nih cun an in thangṭhat taktak lai, na hmaika ah khan khua an sa zungzal lai.

SALM 50:21

Hi vialte hi nan tuah i keimah nih cun zeihmanh ka chim lo, cucaah nanmah bantuk ah nan ka ruah. Sihmanhsehlaw atu cu kan sik cang hna lai i thil kha fiang tein kan hngalhter cang hna lai.

SALM 63:2

Hmunthiang ah cun in hmu ning law zeitluk in dah na lianhngan le na sunpar kha in hngal ning, ti ka duh.

SALM 88:14

Bawipa, zeicahdah na ka hlawt? Zeicahdah na ka thuhtak?

SALM 92:15

Hi nih hin Bawipa cu a ding ti le a ka chanhtu ka lungpi chungah cun palhnak zeihmanh a um lo, ti kha a langhter.

SALM 94:20

Bawipa, ziknawh a eimi biaceihtu hna he cun zeitinhmanh in nan i tlak kho lo, dinlonak kha dinnak ah a ser i

HABAKKUK 1:13

Ṭhat lonak kha zoh awkah na mit cu a thiang tuk i minung nih fahnak an in tikah na zoh sawhsawh kho hna lo. A si kun ahcun, zeicahdah mi cu pakhat le pakhat an i rawi lengmang lengmang tikah na zoh sawhsawh ko hna i Zeicahdah a ṭha lomi hna nih anmah nakin a ding deuhmi kha an thah len ko hna tikah hin dai tein na um ziar ko?

MALAKHI 2:17

Nan bia in Bawipa cu nan nor cang. Nan i thawh i, “Zeitindah kan nor?” nan ti. Ṭhat lonak a tuahtu vialte hna hi Bawipa mithmuh ah cun an ṭha ko i an cungah a lung aa lawm ko, nan tinak le, khuazei ah dah biading Pathian cu a um, nan tinak thawng hin nan nor cu a si.

JOHAN 14:23

Jesuh nih cun, “A ka dawmi paoh nih cun ka bia kha an ngaih lai. Annih cu ka Pa nih a dawt hna lai i ka Pa le keimah cu kan ra lai i an sinah kan um lai.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

2 PETER 3:13

Sihmanhsehlaw kannih cu Pathian nih a kan kamhmi van thar le vawlei thar, dinnak a umnak inn kha kan hngak.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

BIAPHUAN 21:27

Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai.