SALM 5:10 - Lai (Hakha) Common Language Bible 2006

¹⁰ Maw Pathian, annih cu sual phaw hna law dantat hna, an i timhmi thil ṭhalo cu tlinter hlah. An sualnak a tam ca le nangmah an in doh caah annih cu na hmaika in ṭhawl hna.

Laibaibal Thiang (BSI)

¹⁰ Maw Pathian, sual phaw ko hna! anmah remruat lila cu tlûknâk ah hmang hna sehlaw; atam tukmi an nawlbuarnâk ruangah hlawnh ko hna, zeitintiah nangmah ralchanh in ral an tho.

SALM 5:10 ပူးပေါင်းရင်းမြစ်များ

2 SAMUEL 15:31

Cun David cu, “Ahithophel kha ralthli khua a khangtu hna lakah Absalom sinah aa tel ve,” tiah an chimh. Cun David nih, “Maw Bawipa, Ahithophel khuaruah thiamnak cu hruhnak ah canter ko sawh, tiah kan nawl,” tiah a ti.

2 SAMUEL 17:14

Cun Absalom le Israel mi vialte nih cun, “Hushai ruahnak cheuhmi cu Ahithophel ruahnak cheuhmi nakin a ṭha deuh,” tiah an ti. Zeitintiah Bawipa nih Absalom cungah ṭhat lonak a tlunter nakhnga, Bawipa nih Ahithophel cheuhmi ruahnak ṭha cu sunghter awkah a rak ruah cia cang.

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

2 CHANRELNAK 25:16

Sihmanhsehlaw bia a chim lioah cun siangpahrang nih khan a thawh i, “Nangmah cu siangpahrang fimchimtu ah maw kan in ser? Ngol ko! Zeicahdah thah na si lai?” tiah a ti. Cucaah profet nih cun a ngol, sihmanhsehlaw, “Mah hihi na tuah i kan chimhmi na ngaih lo caah, Pathian nih nangmah hrawk awk cu a ruah cang tiah ka hngalh,” tiah a ti.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

SALM 10:15

Miṭhalo le misual cu an ṭhawnnak kha hrawk hna law an ṭhat lonak ruangah khan tling khitkhet in dantat hna.

SALM 107:11

zeicahdah hi bantukin an si ti ahcun, Lianngan Bik Pathian nawl zulh kha an duh lo i a cawnpiak hnanak kha an al caah a si.

SALM 17:13

Maw Bawipa, ra law ka ral hi do hna law tei hna! Miṭhalo hna kut chung hin na vainam in ka chanh tuah,

SALM 31:18

Lihchimmi kha daihter hna — annih cu miporhlaw, miruamkai, bia songpuam in miding mi kong ceih a hmangmi an si.

SALM 35:26

Ka nganfah innak i a di a riammi kha sung cikcek hna seh law khuaruahhar vansang au in um hna seh; amah nakin kan ṭha deuh aa timi kha ningzahnak le hmaichiatnak nih zual hna seh.

SALM 55:15

Ka ral hna cungah cun thihnak kha khulrang in tlung seh law mithi khua ah khan a nung in vung kal hna seh. An inn chung le an lung chungah ṭhat lonak a um.

SALM 66:7

A ṭhawnnak in a uk zungzal i miphun hna cu a ngiat zungzal hna. Ahohmanh amah doh awkah ral tho hna hlah seh.

SALM 71:13

A ka dohtu pawl kha sung hna seh law rawk hna seh. Ka cungah fahnak tlunter aa zuammi kha ningzahnak le hmaichiatnak phan hna seh.

SALM 79:12

Bawipa, miphun dang pawl cu, nangmah an in zawmhtaih ruangah khan a let sarih in rul hna.

ISAIAH 1:2

Bawipa nih aa thawh i, “Van le vawlei hna, Bawipa nih ka chimmi hi ngai tuah u. Ka cawm cia le ka ken cia ka fale nih hin an ka doh.

ISAIAH 1:20

Sihmanhsehlaw ka bia kha nan ka al i nan ka doh ahcun nan thi ko lai. Hi bia cu Bawipa nih ka chim,” a ti.

ISAIAH 63:10

Sihmanhsehlaw an doh i a ngaih an chiatter. Cucaah Bawipa cu an ral ah a cang i a doh hna.

ṬAHNAK HLA 1:5

A ral hna cu a bawi ah an cang, A ral hna cu nuam tein an um, Zeitintiah a tuahmi a ṭha lomi rel cawk lo ruangah khan Bawipa nih amah cu fak piin dan a tat; A fano cu an lo dih, Ral nih khan saltannak chungah an kalpi hna.

DANIEL 9:5

kannih cu kan sual cang, palhnak le thil ṭhalo kha kan tuah cang; kannih nih nangmah cu kan in doh i na nawlbia le na phunglam hna kha hnulei kan chit hna.

DANIEL 9:9

Bawipa kan Pathian cu kan in do nain nangmah nih cun na kan zaangfah i na kan ngaihthiam.

HOSEA 9:7

Dantatnak ni cu a phan cang, phuhlamnak ni cu a phan cang; Israel cu ṭhumh a si cang. Khi tikah nan sualnak a nganmi nih khan profet cu mihrut ah a ser hna lai i hmutu cu mimolh ah a ser hna lai.

1 KORIN 3:19

Zeicahtiah hi vawlei nih fimnak i a ruahmi cu Pathian hmaiah cun pakpalawng a si. Cathiang nih, “Pathian nih mifim hna cu an zernak lila ah khan a foihter hna,” tiah a ti bang hin a si taktak.

DEUTERONOMI 2:30

Sihmanhsehlaw Heshbon siangpahrang Sihon nih cun a ram chung cun a kan lanhter duh lo; nihin ni i a si bang hin amah cu nan kut chungah an pek hna nakhnga, Bawipa nan Pathian nih a thlarau kha a hahter i a lung kha a khonter caah a si.

1 SAMUEL 25:29

Mi nih nangmah kha dawi awk le na nunnak kha kawl awkah an in thawhhnawh ahcun, ka bawipa nunnak cu Bawipa na Pathian zohkhenhnak chung i a ummi minung hna nunnak tom chungah khan tom chih a si lai; cun na ral hna nunnak tu cu lungherhchehnak ṭe karlak chung in cheh bantukin a cheh hlo hna lai.

1 SAMUEL 25:39

David nih Nabal kha a thi tiah a theih tikah, “Nabal kut ah ningzahnak ka hmuhmi phu a hlam i a sal kha ṭhat lonak tuah loin a ka khamtu Bawipa cu thangṭhat si ko seh; Bawipa nih Nabal cu ṭhat lonak a tuahmi kha amah lu cung lila ah a tlunter ṭhan,” tiah a ti. Cun David nih mi a hei thlah hna i Abigail kha a nupi caah an len.