SALM 45:4 - Lai (Hakha) Common Language Bible 2006

⁴ Biatak le biading kha hmunhter awkah na tei tiang lianhngannak in hmailei ah kal tuah. Na ṭhawnnak nih teinak ngan pipi an hmuhpiak lai.

Laibaibal Thiang (BSI)

⁴ Biatak le toidornâk le dinnâk hna ruangah, na lianhngannâk he sunglawi ngaiin rang cungah i cit law, cuticun na orhlei kutin khuaruahhar thil hna an cawnpiak lai.

SALM 45:4 ပူးပေါင်းရင်းမြစ်များ

SALM 2:9

Thirfung in na uk hna lai i tlak um bangin na khuai dih hna lai,” a ti.

SALM 60:4

Nangmah an ṭihmi hna caah hmelchunhnak na phun, sihmanhsehlaw an i let i an ral hna sin khan an zam ṭhiamṭhiam.

SALM 65:5

Maw Pathian, kan Khamhtu, thla kan cam tikah na kan leh i khuaruahhar thil na tuahmi in na kan khamh. Vawleicung mi vialte le a hla bik rili ral i a ummi hmanh nih an in bochan.

ISAIAH 11:5

A mi cu dinnak in a uk hna lai i an caah zumh awk tlakmi a si lai.

ZEKHARIAH 9:9

I lawm tuah, i lawm tuah, Zion fanu, Fak piin au tuah, Jerusalem fanu, Zeicahtiah zohhmanh na siangpahrang cu na sinah a ra lio, Amah cu teitu a si, teinak cu amah ta a si, Toidor tein laa cungin, laa fa note cungah i cit in a ra.

MATTHAI 11:29

Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai.

LUKA 19:27

Cun an siangpahrang si awkah a ka duh lotu ka ral hna kha cu, hika ah hin ratpi hna u law ka hmaiah that hna u, a ti,’ ” tiah a ti.

JOHAN 1:17

Pathian nih Phungbia cu Moses thawng khan a kan pek, sihmanhsehlaw vel le biatak cu Jesuh Khrih thawng khan a ra.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

2 KORIN 10:1

Hmunkhat um vial ah zeihmanh chim ngam ṭung lo, a langhlat vial in a ral a ṭha ngai ṭung, nan ka timipa keimah Paul nih, Khrih lungnemnak le a zaangfahnak lungthin in kan nawl hna.

1THESALON 1:5

Thawngṭha kha nan sin kan phakpi tikah bia lawnglawng in si loin, ṭhawnnak le Thiang Thlarau le biatak a si fiang tein kan hngalhnak he khan a si. Nan sin kan um ah khan zeitindah kan umtuzia a si cu nan hngalh; nanmah ca ṭhatnak ding caah kha ti kan um kha a si.

1THESALON 2:13

Cun kan Pathian sin i kan i lawmhnak zong a dang a um rih: Pathian bia nan sin kan phakpi tikah khan minung bia bantukin si loin Pathian bia bantukin nan rak cohlan — Pathian bia cu a si taktak, nan sin kan phakpimi cu. Cuticun zeitindah a si khawh tiah, Pathian nih a zummi nan lakah rian a ṭuan caah a si.

2 THESALON 3:1

U le nau hna, a donghnak ah, Bawipa bia cu nan lakah a rak karhter bantuk khan, khulrang in a karh chin lengmang i sunparnak kha a hmuh nakhnga, thla kan campiak u.

BIAPHUAN 11:18

Atu caan hi na thinhunnak a rat caan le Mithi hna biaceih caan a si caah, Pathian bia lomi cu an thin a hung ngaingai. Cun atu caan hi na sal na profet hna le na mi vialte hna le nangmah an ṭihtu vialte hna kha, A hme a ngan thlu loin laksawng pek caan a si fawn. Cun vawlei a hrawktu hna hrawh caan kha a si,” an ti.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

BIAPHUAN 20:15

Nunnak cauk chungah an min aa ṭial lomi paoh cu mei tili chungah cun an paih hna.

BIAPHUAN 6:2

Ka hun zoh i rang rang pakhat ka hmuh. A cung i aa citmi nih cun likuk pakhat aa put i amah cu bawiluchin pakhat an pek. Teitu nih tei awkah aa thawh bantukin aa thawh.