SALM 42:9 - Lai (Hakha) Common Language Bible 2006

⁹ Pathian ka lungpi cu ka thawh i, “Zeicahdah na ka philh? Ka ral nih an ka hremnak hi zeicahdah ka in zungzal ko lai?

Laibaibal Thiang (BSI)

⁹ Ka lungpi Pathian sinah, “Zeiruangahdah naka philh? zeiruangahdah karal hna nih anka serhsat ruangah ka ngaih a chiat ko rih lai?” tiin ka chimh lai.

SALM 42:9 ပူးပေါင်းရင်းမြစ်များ

SALM 13:1

Zei can dah na ka philh lai, maw Bawipa? Na ka philh zungzal ko lai maw? Zei can dah na ka thuh tak rih lai?

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

SALM 28:1

Maw Bawipa, nangmah cu kan auh, ka himnak lungpi, ka aunak cu ka theihpiak tuah. Na ka leh lo ahcun mithi khua i a kalmi hna bantuk ka si ve sual lai.

SALM 38:6

Ka keng zong a kul dih i ka ril ko; chun nitlak ngaihchia in ka um.

SALM 43:2

Nangmah cu a ka hupphengtu Pathian na si; zeicahdah na ka kaltak? Ka ral nih an ka hremnak hi zeicahdah ka in zungzal ko lai?

SALM 55:3

Ka ral nih an ka tlerhnak le miṭhalo nih an ka hremnak nih ka lungre an ka theihter. Ka cungah harnak an tlunter; ka cungah an thin a hung i an ka huat.

SALM 62:2

Amah lawnglawng hi a ka hupphengtu le ka Khamhtu a si, amah cu ka ralhruang a si i ahohmanh nih an ka tei bal lai lo.

SALM 77:9

Pathian nih hin minung cung i zaangfahnak ngeih kha a philh ko hnga maw? Minung cung i zawnruahnak a ngeih tawnmi kha a thinhunnak nih dahra a hloh dih?” ka ti.

SALM 78:35

Annih a hupphengtu hna cu Pathian a si kha an hun hngalh i annih a khamhtu hna cu Cungnung Bik a si kha an hun theih.

SALM 88:9

Kei cu thong ah ka tla i ka luat kho lo; harnak ka in ruangah ka mit zong a rawk dih. Bawipa, ni fate in kan auh i nangmah sinah thlacam in ka kut ka hler.

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

ISAIAH 40:27

Israel, a si kun ahcun, zeicahdah Bawipa nih ka harnak hi a hngal lo i ka caah hin thil a rem in a chia lo, tiah na zai?

ISAIAH 49:15

Cucaah Bawipa nih a leh hna i, “Nu nih a fa cu a philh kho hnga maw? A chungchuak cu daw loin a um kho hnga maw? Nu nih hin cun a philh hmanh a philh kho hnga, sihmanhsehlaw kei nih cun kan philh bal hna lai lo.