SALM 42:4 - Lai (Hakha) Common Language Bible 2006

⁴ Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

Laibaibal Thiang (BSI)

⁴ Mibu hna he Pathian inn i kan kal ṭi lio le, lunglomhnâk he thangṭhatnâk hla kan sak`i lio hna le, mibu hna he thô zawh i kan kal ṭi lio hna kha ka hun ruah ṭhân tikah, ka nunnâk hi ka chungah ka bungh tawn.

SALM 42:4 ပူးပေါင်းရင်းမြစ်များ

2 SIANGPAHRANG 18:30

“Bawipa nih a kan chuahter ṭheo lai; hi khuapi cu Assiria siangpahrang kut chungah pek a si lai lo,” ti bia in Hezekiah cu Bawipa kha i hngatchanter hlah u.

2 CHANRELNAK 7:10

Thla sarihnak thla, a ni kul le ni thumnak ni ah mi cu an inn ah an tlunter hna i Bawipa nih David le Solomon le a mi Israel mi hna cung i ṭhatnak a langhtermi ruangah lunglawm le thanuam in an tlung.

JOB 29:2

“Maw, hlan lio thla hna chung i ka rak um bantuk khan um ning law ka hei duh dah! Pathian nih a rak ka zohkhenh lio caan i ka rak um bantuk khan;

SALM 100:4

A kutka chungah cun lawmhnak he lut tuah u, a tual ah cun thangṭhatnak hla he lut tuah u; amah cu lawm u law thangṭhat tuah u.

SALM 102:10

zeicahtiah ka cungah na thin a hun caah a si. Na ka cawi i na ka hlonh.

SALM 115:2

Zeicahdah miphun dang hna nih, “Nan Pathian cu khoika ah dah a um?” tiah an kan hal lai?

SALM 122:1

“Bawipa inn ah kal u sih,” an ka ti tikah khan ka rak i lawm.

SALM 122:8

Ka rualchan hna le ka hawikom hna ruangah, Jerusalem cu, “Na chungah daihnak um seh,” ka ti.

SALM 55:14

Pakhat le pakhat bia ṭhaṭha kha kan rak i ruah i hawi zapi he hmunkhat ah biakinn ah kan rak kal ṭi tawn.

SALM 62:8

Ka mi hna, Pathian cu i bochan zungzal u! Amah cu kan himnak a si caah nan harnak vialte kha chim dih u.

SALM 79:10

Zeicahdah miphun dang hna nih, “Nan Pathian cu khuazei ah dah a um kun?” tiah an kan ti lai? Na sal kha an thi an luanter hna caah miphun dang pawl dan na tat hna cu kan mit hrimhrim nih hmu seh.

SALM 80:6

Kan khua chingchan hna hmaiah ningzak in na kan umter i kan ral nih an lung diriam tein an kan nihsawh.

ISAIAH 30:29

Sihmanhsehlaw nannih Pathian mi hna cu nan i lawm lai i a thiangmi puai zan i hla an sak bantukin hla nan sa lai. Bawipa, Israel Lungpi thangṭhat in biakinn ah thonglawi aw zulh in a kalmi hna bantukin nan i lawm lai.

ṬAHNAK HLA 2:19

Zan ah tho law fak piin au tuah; Zan ven thawknak kip ah Bawipa hmaiah cun na lung cu ti bangin bung ko. Na fale hna nunnak caah a sinah na kut hler tuah.

ṬAHNAK HLA 4:1

Zeitluk in dah sui cu a dulh cang i Zeitluk in dah sui thiang cu a ziamh cang! Hmunthiang lung hna cu khuachung lam a kenkip ah an ril liangluang ko.

EZEKIEL 46:10

Uktu bawi cu an sinah cun a um lai i an luh ah a lut ve lai i an chuah ah a chuak ve lai.

JOEL 2:17

Bawipa rianṭuantu tlangbawi hna kha innleng le biakṭheng karah khan dir hna seh law ṭap hna seh law, “Maw Bawipa, na mi, nangmah na mi hi run kan zoh tuah; Miphun dang nih capo ah an kan ser i, ‘Khuazei ah dah nan Pathian cu a um kun?’ an kan ti nakhnga lo, Ningzahnak ah cun kan phakter sawh hlah,” tiah ti hna seh.

NAHUM 1:15

Zohhmanh u! Thawngṭha a rak phortu ke khi tlang cungin a ra lio! Teinak thawng kha amah nih cun a thanh lai. Judah mi hna, nan puai cu tuah hna u law Pathian sinah nan i kammi kha pe u, Miṭhalo nih nan ram kha an luhhnawh ti lai lo. Annih cu hrawh dih cikcek an si cang,

LUKA 16:25

Sihmanhsehlaw Abraham nih a thawh i, “Ka fapa, na nun lioah khan thil ṭha phun kip kha pek na si i Lazaruh nih khan thil ṭhalo vialte a co kha philh hlah ngat; sihmanhsehlaw atu cu anih cu nuam tein a um i nang cu nganfak ngaiin na um.

DEUTERONOMI 16:11

cun Bawipa nan Pathian nih a min umnak dingah a thim laimi hmun ah cun nanmah le nan fapa le nan fanu le nan salpa le nan salnu le nan khua chung i a ummi Levi mi le nan lak i khua a sami khual le pangeilo le nuhmei hna he cun Bawipa nan Pathian hmaiah nan i lawm lai.

RUTH 1:21

Khatte in ka rak kal i Bawipa nih kutro in a ka kirpi ṭhan. Bawipa nih a ka hrem i Lianngan Bik nih ka cungah harnak a tlunter tikah hin zeicahdah Naomi nan ka ti?” tiah a ti.