SALM 41:9 - Lai (Hakha) Common Language Bible 2006

⁹ Ka hawi ṭha bik, ka zumh bikmi, rawl a ka hrawng lengmangmi hmanh kha ka ral ah a cang.

Laibaibal Thiang (BSI)

⁹ Ka hawikom ṭha, kâ bochan taktak mi, ka rawl eitu nih khan, keimah ralchanh in a kedil aka cawi hnawh.

SALM 41:9 ပူးပေါင်းရင်းမြစ်များ

2 SAMUEL 15:12

Cun Absalom nih raithawinak kha a pekchanh lioah David tlangchuak, Gilon mi Ahithophel kha amah khua Giloh khan a hei cah. Cun ralthli khua an khan ṭinak cu a ṭhawng chin lengmang i Absalom mi cu an karh chin lengmang.

JOB 19:13

“Ka unau hna nih an ka hlawt, Ka theihhngalh hna cu mising rumro ah an cang.

JOB 19:19

Ka hawikom ṭha vialte nih an ka fih i ka dawtmi hna nih an ka ral.

SALM 101:3

A thurmi tinhmi zeihmanh ka ngei lai lo; zumhtlaklo si kha a huat in ka huat lai.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

OBADIAH 1:7

Nangmah sin i a ṭangmi hna nih khan an in hlen i Na ram chungin an in dawi cang. Nangmah he i rem tein a rak ummi hna nih khan an in tei cang. Na sin i ti ding rawl ei in a ummi na hawile nih khan rap an in chiahhnawh cang i, “A fimnak vialte kha tah khuazei ah dah a si kun?” an in ti.

MIKAH 7:5

Na innpa kha va zum hlah, na hawikom zong vaa bochan hlah. Na nupi sin i na chimmi hmanh kha vaa ralring.

MATTHAI 26:23

Jesuh nih cun, “Ka changreu ka hnimnak kheng i a changreu a hnim vemi nih hin a ka lei lai.

JOHAN 13:18

“Hi ka chimmi hi nan dihlak in kan ti duh hnanak a si lo; ka thimmi cu ka hngalh ko hna. Sihmanhsehlaw ‘Ka rawl a eimi kha ka ral ah a cang’ tiah cathiang nih a timi kha a tlin awk a herh.

DEUTERONOMI 32:15

“Jakob nih khim tein a ei, Jeshurun cu a thau i a ke a chaih; Na thau, na thial a chah, na miltlor; Khi tikah a sertu Pathian kha a hlawt i A khamhnak Lungpi kha zei ah a rel lo.