SALM 40:6 - Lai (Hakha) Common Language Bible 2006

⁶ Raithawinak le pekchanhmi thil hi na duhmi an si lo, biakṭheng cungah a pum in khanghmi thawinak sa hi na kan halmi a si lo, kan sualnak thianhnak ca i raithawinak tuah zong hi na kan halmi an si lo, asinain nangmah nih khan na bia kan theih khawh nakhnga ding caah hna tu kha na kan pek i

Laibaibal Thiang (BSI)

⁶ Raithawinâk le pêkchanhnâk hi na duhmi an si lo; khanghthawinâk le sualthawinâk hi na halmi an si lo; ka hna naka on piak.

SALM 40:6 ပူးပေါင်းရင်းမြစ်များ

JOB 33:16

Khi tikah mi cu Pathian nih an hna kha a hunpiak hna i Ralrinnak a pekmi hna nih an thin a phanter hna.

JOB 5:9

Amah nih thil lianngan hna le ruah phak lomi thil hna le khuaruahharmi thil kha rel cawk loin a tuah hna:

SALM 139:17

Maw Pathian, na ruahnak cu ka caah zeitluk in dah hngalh a har, na ruahnak cu a tam tuk ah a dongh in a dong kho lo.

SALM 139:18

Rel tim hnik hna ning law thetse nak tam an si ṭung; an dihlak in rel dih dingah cun, nangmah chan can nun a hau hnga!

SALM 50:8

Nan ka pek zungzalmi raithawinak le khanghthawinak ruangah kan sik hna a si lo.

SALM 51:16

Raithawinak hi na duhmi an si lo, rak si hna seh law cu ka rak in pek ko hnga; na lawmhmi cu khangh thawinak zong hi a si lo.

SALM 71:15

Na dinnak kong kha ka chim lai i na khamhnak kha chun nitlak ka thanh lai; na khamhnak cu ka hngalh khawh leng a si nain ka thanh lai.

EXODUS 21:6

a bawipa nih khan Pathian sinah a chuahpi lai; innka ah maw innka tung ah khan maw a chuahpi lai i a hna an vih lai. A thih tiang a sal a si lai.

ISAIAH 1:11

Pathian nih cun, “Nan ka pekchanh lengmangmi thawinak vialte hi a duh ko hna ti ah maw nan ka ruah? Khangh thawinak caah tuu nan khanghmi hna le nan saṭil ṭha bikbik hna thau nan khanghmi hna hi kaa za diam cang. Nan cawtum hna le nan tuu hna le nan meheh hna thi nih hin a nor in an ka nor cang.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

HOSEA 6:6

Ka duh bikmi cu fek tein nan ka dawt hi pei a si cu, nan raithawinak hi a si ṭung lo, Ka mi nih nan ka hngalh hi pei a si cu, khanghthawinak nan ka pekchanh hi a si ṭung lo.

AMOS 5:22

Nannih nih nan raithawinak hna le nan thawhlawm hna kha nan ka pek tikah ka cohlang hna lai lo, Raithawinak ca i nan hmanmi saṭil hna zong kha ka cohlang duh hna lai lo.

MATTHAI 12:7

Cathiang nih, ‘Ka duhmi cu sa in tuahmi thawinak hi si loin zaangfahnak a si,’ tiah a timi kha a sullam rak hngal u law cu, a sual lomi kha sual nan phaw hna hnga lo;

MATTHAI 9:13

Va kal u law, ‘Saram thawinak si loin ka duhmi cu zaangfahnak lungthin kha a si,’ tiah Cathiang chungah aa ṭialmi hi a sullam va ruat tuah u. Miding mi pawl kawh awkah ka rat ṭung lo, misual mi hna kawh awkah pei ka rat ko cu,” tiah a ti.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.