SALM 40:5 - Lai (Hakha) Common Language Bible 2006

⁵ Maw Bawipa ka Pathian, nangmah nih kan caah thil tampi na tuah; nangmah bantuk ahohmanh an um lo. Nangmah nih lam ṭhaṭha tampi khua na kan khanpiak. An dihlak in chim i tim ning law a chim hmanh ka chim cawk hna hnga lo.

Laibaibal Thiang (BSI)

⁵ Maw BAWIPA ka Pathian, khuaruahhar thil na tuahmi hna le kan kong na ruahmi hna cu an tam tuk; â chang thliahmah in relcawk ding a si lo, ka chim le ka phuan hna ahcun, rel khawhmi pin lei an si.

SALM 40:5 ပူးပေါင်းရင်းမြစ်များ

JOB 26:14

Zohhmanh, mah hihi a ṭhawnnak tlangri ceo an si rih, Amah kong kan theihmi cu zeitluk in dah a tlawm! A ṭhawnnak khuari chinchin cu aho nih dah a hngalh khawh lai?” tiah a ti.

JOB 5:9

Amah nih thil lianngan hna le ruah phak lomi thil hna le khuaruahharmi thil kha rel cawk loin a tuah hna:

JOB 9:10

Amah nih cun hngalh phak lomi thil lianngan le Khuaruahharmi thil relcawklo a ser hna.

SALM 136:4

Amah lawng nih khuaruahhar thil lianngan a tuah khawh, a dawtnak cu zungzal in a hmun.

SALM 139:6

Na ka hngalhnak hi a thuk tuk hringhran, ka ruahnak nih a phak khawh leng a si.

SALM 71:15

Na dinnak kong kha ka chim lai i na khamhnak kha chun nitlak ka thanh lai; na khamhnak cu ka hngalh khawh leng a si nain ka thanh lai.

SALM 73:28

Sihmanhsehlaw kei ca tu ah cun, Pathian pawng um le, Bawipa Pathian chungah i dor le a tuahmi thil thanh hi a va nuam hringhran dah!

SALM 92:5

Maw Bawipa, na tuahmi thil cu zeitluk in dah an ngan! Na ruahnak cu zeitluk in dah a thuk!

EXODUS 11:8

“Cun na bawi vialte hna hi ka sinah an ra lai i ka hmaiah an kun lai i, ‘Nangmah le na mi hna cu va kal ko u,’ tiah an ti lai. Cu hnuah cun hi ram hin ka chuak lai,” tiah a ti fawn. Cun thinhung ngaiin Moses nih Faro cu a chuahtak.

EXODUS 15:11

“Bawipa, pathian hna lakah hin ahodah nangmah bantuk a um? Ahodah nangmah bantukin a thiangmi a um hna? Ahodah nangmah bantukin khuaruahharmi thil a tuah khomi a um i a liannganmi thil tuahnak ah ṭih awk a simi a um?

JEREMIAH 29:11

Nan ca i ka tinhmi cu keimah lawnglawng nih ka hngalh, tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai.